Tsy fampiasana fitaovam-piadiana eny an’habakabaka

an’habakabaka ny firenena malagasy sy Rosiana, fanehoam-pahavononana manoloana ny fihazakazahana amin’ity sehatra stratejika ity, hoy ny seraseram-panjakana tamin’ny alalan’ny Minisiteran’ny raharaham-bahiny ny faran’ny herinandro teo. Mba hananana habakabaka hanjakan’ny fandriam-pahalemana sy azon’ny rehetra ampiasaina no nambara fa antony, ka nilazana fa tafiditra amin’ny fanatanterahana ny fanapahan-kevitry ny fivoriam-ben’ny Firenena Mikambana ny faha-06 desambra 2023. Nambara fa tsy mivaona amin’ny fikatsahana ny fandriam-pahalemana nahazatra azy, ka nilazana fa mamporisika ny fanamafisana ny fiaraha-miasa isam-paritra I Madagasikara ary manao ady sisika hanadiovana ny habakabaka ho vakoka iraisana hiantohana izany fandriam-pahalemana izany. Asa tena zava-dehibe amin’i Madagasikara ve aloha ity resaka fanambarana iombonana niaraka tamin’ny Rosianina ity eo anatrehan’ny toerana misy antsika ara-toekarena sy jeopolitika maneran-tany ? Ny fikajiana sy fiarovana ny tontolo iainana hiarovana ny fahadiovan’ny rivotra sy hitandroana ny sosona « ozone » aza anefa tsy vitantsika. Inona no tambiny sy tamberiny ho an’i Madagasikara teo anatrehan’itony fanambarana niraisana tamin’ny Rosianina itony?
Toky R