Actualités

Ankoatra ireo manana fahafahana kely hivoaka any amin’ny faritra dia tsy vitsy ihany koa ireo mikasa hamangy havana kely na dia ao anatin’ny telo andro monja aza. Mikasika ity farany manokana dia maromaro ireo fahaiza-miaina tsara ho fantatra mba tsy hahasorena ny hafa. Ilaina ohatra ny mitondra vatsy mandritra ny fotoana hijanonana any amin’ilay fianakaviana mba tsy hanahirana ny hafa. Efa sarotra rahateo ny fiainana. Toraka izany koa ny fandraisan’anjara amin’ireo karazan-draharaha tokony hatao ao an-tokantrano ao mba tsy ho lasa vesatra ho an’ny hafa. Amin’ny ankapobeny mantsy dia ilay fihaonana sy fitsidihana mahatsara fihavanana no tena zava-dehibe amin’ny Malagasy fa tsy ilay fialan-tsasatra loatra ka tokony hotandrovana fatratra.
Pati
Legende Floutter-na : Aleo manao raharaha sy mandray andraikitra rehefa miala sasatra any amin’ny fianakaviana ho fitandroana ny fihavanana !