VILLAGE TOURISTIQUE AO MAHAJANGA

lehibe indray ny mpianatra rehetra manerana ny Nosy. Tsy vitsy ireo efa nanomana ary mikasa hivoaka kely any amin’ny faritra noho izany mba hialana amin’ny rotoroto sy ny havizanan-tsaina nandritra ny taona. Hatreto dia mbola i Mahajanga no be mpisafidy indrindra ho an’ny faritra misy ranomasina. Rehefa vanim-potoana tahaka ireny anefa dia misy hatrany ny indrokely. Ho an’ny Village touristique manokana dia fantatra fa maka olona 5 isan-taona izy io raha kely ka vahiny ny ankamaroany. Rehefa nanontaniana ny antony mahatonga izany Pastera Heritiana Randriarimalala dia nambarany fa ny rano tsy misy lolo saingy mitombina kosa raha misy devoly. Noho ny fisian’ireo olona nambarany fa manompo sampy eo amin’io toerana io rehefa tsinam-bolana no mahatonga izany isaky ny amin’ny 04 ora sy amin’ny 05 ora maraina. Eo ihany koa ireo manao sorona hoy izy, antony mahatonga ireo razana tsy mety mivoaka ao anaty rano raha tsy hanaovana sorona ihany koa. Rehefa misy fiarovan’Andriamanitra anefa ny olona iray hoy izy dia voaaro amin’izany asan’ny devoly izany hatrany ka tsy tokony hisy hisaraka amin’Andriamanitra mihitsy.
Pati
Legende : Pastera Heritiana Randriarimalala mahalala tsara ny tontolon’ny Fanahy !