Volam-panjakana sy volamena tao amin’ny BFM

Namoaka fanambarana fohy mitondra ny laharana KMF/CNOE/Fanamb 2025/ Lah-05/13 NOV ny Firaisamonim-pirenena KMF/CNOE Fanabeazana olom-pirenena omaly, naneho ny ahiahy mikasika ny volam-panjakana ka nanehoan’izy ireo fa lina ny tena marina ny olom-pirenena. « Mandeha ny feo fa fongana ny vola sy ny volamena tao amin’ny Banky Foiben’i Madagasikara. Miseho amin’ny endrika maro ny fiheverana ny fandikan-dalàna ny maha-Fanjakana Lahika an’i Madagasikara. Malaza etsy sy eroa ny fisavana sy ny fanamborana. Miandry fatratra ny vokatry ny fanadihadiana ny olompirenena. », hoy izy ireo. Miandrandra ireo manampahefana hanazava ho amin’ny olompirenena amin’ny alalan’ny haino vaky jery ny zava-misy marina mahakasika ireny, hoy hatrany io Firaisamonim-pirenena io. Vao avy nandalo krizy, korontana politika ny Firenena,… Nalaza tao anatin’ny vanim-potoana nivaivay nanomboka ny 25 septambra ny resaka sy sary niparitaka samihafa mikasika ny famindram-bola, fitaovana entana,… nataon’ny mpitondra teo aloha. Nanao ahoana tokoa ny volam-panjakana toarian’izay ? Voaresaka matetika ihany koa ny hoe : tsy manam-bola ny Fanjakana ka tena mitombina ve ny hoe nalaina ny volam-panjakana ? Tena voaaro sa nisy nanao be fandraoka ? Manao ahoana ny tahiry amin’izao fotoana izao ? Mety stratejika sy saropady izany, saingy efa nisafidy ny hiroso amin’ny mangarahara isika.
Toky R