airtel

Actualités

26-avril-2024

Zava-doza ny delestazy sy rano tapaka

Manambana hihetsika indray ny vahoakan’Itaosy

Sample post image

Manao tohivakana indray Manao tohivakana indray tato ho ato ny jiro sy rano tapa-dava eny Itaosy,

26-avril-2024

distrikan’Atsimondrano eny. Ho an’Itaosy tampon-tanana kaominina Itaosy manokana raha araka ny fitarainan’ireo mponina dia fantatra fa efa nanomboka tamin’ny Alakamisy teo ny rano no tapaka. Voatery manenjika faritra ambany misy vovo avokoa ny mponina vokatr’izany nefa ny andro tena mafana. Tafakatra 100 Ar no hividianan’ny mponina ny rano iray bidon miloko mavo raha ny fitarainana voaray hatrany. Mahatratra 10 bidon any ho any anefa vao ampy ny tokantrano iray isan’andro indrindra raha misy lamba sasana. Velon-taraina fatratra ny mponina vokatr’izany. Mikasika ny jiro indray dia vao omaly Alakamisy 25 Aprily hariva no tapaka nandritra ny ora iray teo ho eo indray ny jiro teo Andranonahoatra sy ny manodidina, mbola faritr’Itaosy ihany. Betsaka ireo tsy afaka nanokona sakafo avy hatrany vokatr’izany nefa efa reraka avy niasa fa tsy maintsy niandry ho an’ireo mampiasa fatana mandeha amin’ny herinaratra. Toraka izany koa ireo miasa amin’ny alalan’ny solosaina any an-tokantranony izay voatery nipetra-potsiny ihany koa….Nomarihin’ny mponin’Itaosy moa fa tahaka izao hatrany no fiandohan’ny fahatapahan-jiro sy rano lavareny hataon’ny JIRAMA eny Itaosy eny. Miantso ny JIRAMA mba hitady vahaolana maharitra izy ireo noho izany hisorohana ny mety ho fahatezeram-bahoaka.
Pati
Legende : Atahorana hitokona tahaka ihany koa ny mponin’Itaosy raha mitohy izao !
 

Dans la même rubrique

25-juil-2024

Nandefa taratasy tamin’ireo orinasam-pifandraisan-davitra na « opérateurs téléphoniques »

Card image cap
25-juil-2024

Ela fikenona ny fitondram-panjakana amin’ny fananganana governemanta vaovao,

Card image cap
25-juil-2024

Olana mandavan-taona ny Jirama, izay manamafy sy manaporofo ny tsy fahombiazan’ny Fanjakana Rajoelina.

Card image cap
25-juil-2024

Nofaranana ny talata 23 jolay lasa teo teny amin’ny EPP Ivato Village ny ampahany

Card image cap
25-juil-2024

Maro ireo Malagasy te-hiala mafy amin’ny hofantrano noho ny hasarotan’ny fiainana.

Card image cap
25-juil-2024

Tsy manana fahafahana ny handany volabe hikarakarana trano ny ankamaroan’ireo Malagasy

Card image cap