Fandriampahalemana

Fampitam-baovao avy amin'ny mpifanila vodirindrina tamin'ilay niharam-boina no nahafantaran’ny Polisy ny zava-nitranga ka nidina teny an-toerana nisambotra ireo olon-dratsy avy hatrany izy ireo. Mbola teo am-pisokirana ny varavarana no tazan'ny olona manodidina ny iray ka niantso ireo polisy niasa teo akaiky teo ihany izy ireo. Ny iray kosa nitsofoka tao anatin'ny tamboho mifefy ary efa saika haka ireo entana nipetraka teo an-tokontany no sarona. Ity farany izay marihina fa mbola tsy ampy taona akory satria vao 15 taona monja nefa efa manao izao asa ratsy izao sahady no sady mbola ati-doha. Samy tratra ambodiomby teo am-panaovany ny asa ratsiny avokoa moa izy roalahy ireto. Noentina avy hatrany teny amin'ny biraon'ny Polisy ireto farany nanaovana fanadihadiana. Ilay mbola tsy ampy taona kosa natolotra ny polisy misahana ny zaza tsy ampy taona etsy Tsaralalana hanohizana ny fanadihadiana. 31 taona moa ilay lehilahy iray namany.
Nangonin’i Pati