airtel

Fandriampahalemana

24-janv-2023

Fandriampahalemana

Angidim-by nampanantenaina ny tafika Nijanona ho fampanantenana poakaty hatreto

Sample post image

Tamin’ny 22 desambra 2022 no nanamafisan’ny Filoham-pirenena fa ho avy ny angidim-by vaovao ho an’ny tafika. “Ho tonga ny tapaky

24-janv-2023

ny volana janoary ho avy izao ny angidim-by vaovao « airbus H 130 », izay afaka hanaovana «transport de troupes», «action tactique» ary «évacuation sanitaire », hahafahana mamonjy ireo miaramila mety ho tra-doza, na ireo olom-panjakana mamita hiraka any amin’ny toerana saro-dalana”, hoy ny filoham-pirenena Andry Rajoelina”. Nambara fa fitaovam-piadiana vaovao avy atsy Afrika Atsimo io, ary horaisina any amin’ny seranantsambon’I Toamasina. Efa dila ny tapa-bolana, efa iray volana mahery aty aoriana aza isika izao. Sao sanatria ho fita-bitro sy fampanantenana poakaty tahaka ny efa nisy? Tany amin’ny tetezamita notarihin-dRajoelina dia efa nisy ny fampisehoana makety sy nilazana fa efa any anaty sambo ny tramway saingy am-polo taonany aty aoriana tsy nipoitra ihany. Vao tamin’ny jolay 2022 no nilaza fa ho tonga mialohan’ny faran’ny taona 2022 ny bus be manara-penitra 1000 hampiasana eto Antananarivo, kinanjo ny Mpitondra tenin’ny Filoha Lova Ranoromaro indray nilaza ny faramparan’ny taona fa tsy ny tenany na ny Filoha Rajoelina no nampananterana izany. Asa indray na ho balarora na tena izy indray ity angidim-by vaovaon’ny tafika ity. Ilay fiaramanidina Casa izay voalaza fa namboarina moa dia nanaovana “mody mitapy” araka ny fitenin’ny tanora. Pi-maso ho an’ny tafika nandritra ny nametrahana ambany faneva ireo jeneraly miisa 25 vao niakatra galona moa no nanamafisana ity filazana fa ho avy ny angidim-by ity. Nandritra io no nilazan-dRajoelina fa ny Fitondrany dia tena nijery sy nitsinjo hatrany ny tafika toy ny ara-pitaovana, ara-potodrafitrasa,… ary nilazany fa tokony hijoro eo anatrehan’ny ambana ny tafika. Nahazoany toky tamin’ny kabarin’ny Minisitry ny fiarovana fa ao an-damosin’ity farany ny tafika ary miaro ny andrim-panjakana sy ny lalàmpanorenana, ary ny safidim-bahoaka. Niteraka tsikera samihafa io, ary nisy ny fampahatsiahivana hoe: ary ahoana ny tamin’ny 2009 izay filoha voafidim-bahoaka no naongan-dRajoelina ary ampahany tao amin’ny tafika no nampiasainy?
Toky R
 

Dans la même rubrique

24-juil-2024

Volabe mitentina 3.800.000 Ariary no lasan’ny tovolahy iray 19 taona izay mpiasa an-trano,

Card image cap
24-juil-2024

Lehilahy iray nambaran’ny havany fa handeha haka fanafody tany amin’ny toeram-pitsaboana

Card image cap
23-juil-2024

Ny 16 jolay lasa teo no nisian’ilay raharaha voalaza fa nakana an-keriny «Quartier-mobile»

Card image cap