ANTALAHA

ao amin’ny Kaomisarian' Antalaha ny jiolahy miisa efatra afak'omaly sabotsy 08 novambra. Fantatra fa malaza ratsy amin’ny resaka halatra moto ao an-tampon-tanànan’Antalaha izy ireo . Araka ny fitarainana voarain’ny Polisy tamin’ny 25 oktobra teo mikasika ny fahaverezan’ny moto Honda 125cc iray, dia nanao fikarohana sy fanadihadiana avy hatrany ny Polisy ka nahasambotra olona roa tamin’ireo olon-dratsy. Taorian’izay ny 02 novambra teo dia tratran’ny Polisy tao Antsonasona kosa ireo namany roa hafa, izay mpangalatra sy mpividy moto halatra. Fantatra fa nafenin’izy ireo tao Belle-Rose – Maherifody ilay moto nangalarin'ireto farany. Samy niaiky ny helony izy ireo, ary noentina avy hatrany teny amin’ny Kaomisaria mba hanaovana fanadihadiana momba ity raharaha ity.
Pati
Legende : Niaiky heloka izy efa-dahy