Antanikatsaka Bemasoandro

sy ny zanany vavy 20 taona, no hita niara-maty tao an-tranony tao Antanikatsaka Bemasoandro, ny marainan'ny sabotsy teo, raha ny fampitam-baovao voaray. Nanao ny fitsirihana tany an-toerana ny zandary ka bala miisa 5 no voalaza fa nitifirana ilay tovovavy raha bala 1 kosa no nitifirana ilay raim-pianakaviana. Hita teo akaikin’ny tongotr’ilay lehilahy ny basy iray ary mbola nisy bala 4 tsy mbola nipoaka tao anatiny. Voalaza fa tsy nahitana vaky trano na korontana tao an-trano ary tsy nisy zavatra very. Ara-dalàna ihany koa, araka ny fantatra, ny taratasy fahazoan-dalana hitazona ilay basy. Efa nandray an-tanana ny fanadihadiana ny Borigady misahana heloka bevava hamantarana ny tena zava-nitranga sy ny antony nahatonga izao fahafatesana izao, raha ny fampitam-baovao voaray hatrany.
J. Mirija