Antanimenakely Ampitatafika Nahitana fatim-behivavy voatsatok’antsy

Eo amin’ny kibony no ahitana io dian’antsy io antony miteraka ny fahasimban’ny razana haingana. Nahitana ra nivoaka ihany koa mantsy ny vavan’ity Renim-pianakaviana ity. Tsy mbola hita na fantatra moa izay fianakavian’ny maty koa hanaovana antso avo ho an’ireo izay sendra mahalala azy. Tombanan’ny manodidina ho novonoina tany ambadika tany moa ity Renim-pianakaviana vao natsipy teny an-toerana. Ny fanadihadian’ny mpitandro ny filaminana ihany anefa no hamaritra izany. Mbola mitohy hatrany araka izany ny tsy fandriampahalemana eny Ampitatafika. Vao andro vitsy lasa ihany koa mantsy izay no nisian’ilay Raim-pianakaviana mpanao cash point voatsatok’antsy tahaka izao raha naratra mafy ihany koa ilay zanany vavy.
Nangonin’i Pati
Legende : Ity ilay Renim-pianakaviana voatsatok’antsy