airtel

Fandriampahalemana

14-oct-2022

Fandriampahalemana

Arivonimamo In-telo notafihin’ny dahalo tao anatin’ny iray volana

Sample post image

Notafihin'ny dahalo afak’omaly alina ny tananan'Ambohimanambola kaominina ambanivohitra Amboanana distrikan’ Arivonimamoka.

14-oct-2022

Lasan’ireo dahalo nandritra izany ny omby miisa 11 raha araka ny vaovao azo. Notapenan'ireo dahalo isam-baravarana ireo tantsaha nandritra ny fotoana nidirany tao an-tanana ka tsy nisy nahasahy nivoaka na dia iray aza. Na izany aza niezaka ny nanenjika ireo dahalo ny fokonolona ka omby miisa roa no efa tafaverina soa amantsara fa ny 9 ambiny kosa mbola tsy hita hatramin’ny omaly hariva fotoana nanoratanay. Nankany Imerintsiatosika ny dian’ireo omby raha araka ny fantatra. Ankoatra ity tranga farany dia navoakan'ireo dahalo daholo ihany koa ireo omby rehetra tao Morafenosoa, fokontany Ankerana, kaominina ambanivohitra zomabealoka, distrikan’i Miarinarivo afak’omaly alina ihany. Nampaneno radio carte ireo dahalo nandritra izany no sady nanapoaka basy no mamoaka ny omby. Lasan'izy ireo daholo ny omby rehetra tao an-tanana ary niroso nanara-dia ny fokonolona ka omby 7 sisa tavela tamin’ireo very ireo. Efa nahavita fanafiana in-3 tao anatin'ny iray volana moa ireto dahalo ireto ka omby 17 tamin'ny voalohany lasany, 20 tamin'ny faharoa, izao 7 izao ny fahatelo. Andian-dahalo 20 lahy eo ho izy ireo no manao izany koa hanaovan’ireo mponina any an-toerana antso avo amin’ny Fitondram-panjakana.
Nangonin’i Pati
 

Dans la même rubrique

28-mars-2024

Jiolahy miisa 04 no indray voasambotry ny Polisy miasa ao amin'ny CSP4

Card image cap
28-mars-2024

Tovolahy 19 taona no saron'ny zandary avy ao amin'ny borigadin’i Talatamaty

Card image cap
28-mars-2024

Nisy kodiaran-droa ana orinasa iray nisy nangalatra teny Atsimondrano afak’omaly 26 Martsa.

Card image cap
28-mars-2024

Nidina ifotony teny anivon'ireo Fokontany miisa telo eto an-drenivohitra ny

Card image cap
27-mars-2024

Tra-tehaka teo am-piandrasana fiara ny rongony 15 gony

Card image cap
27-mars-2024

Lavo voatifitry ny dahalo teo am-pamitana ny asany ny zandary kilasy faharoa Ramilave,

Card image cap