Fikasana hanafika

borigadin'Ambohimanambola fa misy andian-jiolahy miomana hanafika mpandraharaha iray teny amin'ny faritra misy azy. Nosakanan'izy ireo tao anaty kizo tsy maintsy handalovany ny lehilahy iray rehefa avy nivarotra. Rehefa naheno izany ny zandary dia nampandre ny kaompania ao Mandoto ka avy hatrany dia nahetsika ireo ekipa efa naparitaka eny an-kianja. Ny Lietna kaomandy lefitry ny Vondron-tobim-paritry ny zandarimaria ao Mandoto no nandrindra ny velam-pandrika. Teo am-panafihana ilay mpandraharaha indrindra, teo amin'ny kizo atsimon'i Fenoarivo Fokontany Ambilomaro, kaominîna ambanivohitr'Ambohimanambola, no nipoitra ireo zandary ka raikitra ny fifampitifirana afak'omaly Sabotsy 08 novambra tamin'ny 8 ora alina. Lavo tamin'izany ireo jiolahy miisa 3 raha tavela teo an-tany niadiana ny basy lava hazo vita tanana iray. Tafaporitsaka nitady lalana kosa ny jiolahy roa hafa Nanararaotra ny andro maizina. Izy telolahy lavo ireto dia efa jiolahy mpamerin-keloka ary efa ela no nikarohana azy noho ireo asan-dahalo vitany, raha tsiahivina.
Pati