Fandriampahalemana

Mpianatra avy nianatra indray no nendahina olona telolahy ny 04 febroary teo tokony ho tamin’ny 06 ora sy fahefany hariva tao Tanambao Verrerie. Niaraka tamin’ny antsy maranitra ireto mpanendaka ireto nandritra izany izay marihina fa mbola tsy ampy taona ny roa. Niezaka nitsoaka ihany ireto farany nandritra izany fa tsy lasa lavitra dia voasambotry ny polisy. Mbola tratra teny amin'izy ireo koa ny finday maromaro izay avy nendahiny ary nanambara ny talen'ity sekoly ity fa mety an'ireto mpianatra izay avy nanaovany ny asa ratsiny ireto izany. Rehefa nanontaniana izy ireo dia nanaiky fa avy nangalariny ireto finday ary teo koa no nahafantarana fa vao 19 taona monja no zokiny indrindra amin’izy ireo. Natolotra avy hatrany ny polisy misahana ny zaza tsy ampy taona ny raharaha hanohizana ny fanadihadiana.
Pati
Legende : Ireto ireo andiana ankizy mpanendaka ao Toamasina