JIOLAHY NANAFIKA FIANGONANA

Fokontany Manjaka kaominina Miantso, Distrikan’ Ankazobe herinandro maromaro lasa izay. Sendra tokantrano sahirana anefa izy ireo ka tsy nahazo na inona na inona. Ilay tompon-trano no nanamparan’izy telo mirahalahy ny heriny noho izany ka naratra mafy. Taorian’izay dia namantana fiangonana iray teo anoaloany izy telo mirahalahy ka nalainy tamin’izany ny varavarankely miisa 2. Voatery niafina nandritry ny 2 volana ngarangidina tany an-tokantranony izy ireo noho izany rehefa nentin’ny tahotra. Ny iray tamin’izy ireo no fantatra fa nanofa trano tao Andranovaky fokontany Behintsy kaominina Ambohimangakely. Tsikaritry ny manodidina anefa fa hafahafa ilay ranamana io. Tsy mivoaka izy raha tsy alina ka nojokoin'ny kaomandin'ny tobim-paritry ny zandarimaria Ambohimangakely sy ny ekipa sôlida mpanao fisafoana ka dia noraisim-potsiny. Efa natolotra ny zandarimaria Fihaonana afak’omaly moa ny lehilahy mba hanaovana fanadihadiana hikarohana ireo namany hafa roa mbola mandehandeha any.
Pati
Legende : Ity ilay ranamana nanongotra varavaram-piangonana !