Nisavoritaka ny

mihitsy ilay biby voalaza fa mivoaka amin’ny alina ary mitroka rana biby fiompy eto amintsika. Taorian’Alasora Avaradrano dia nisavoritaka indray ny mponin’Ambohikely Avatra, kaominina Andranonahoatra, distrikan’ Atsimondrano afak’omaly Alatsinainy 26 Febroary alina nanomboka tamin’ny 09 ora teo ho eo. Raha araka ny fanadihadiana natao dia lehilahy iray nanao maloto tamin’ny tata-drano no nodinganin’io biby io avy any an-damosiny. Avy hatrany dia nalemy ny tongotr’itsy voalohany vokatr’izany saingy mba nahatsoka kirioka ihany ny tenany raha araka ny fanazavany. Tsy tapaka kirioka mantsy eny an-tendan’ity lehilahy ity rehefa mivoaka alina izy. Nivoaka avokoa ny fokonolona nanoloana izany ka tsy vitsy ireo mbola nahita ilay biby. Raha araka ny fanazavan’ireto farany dia mitovy endrika amin’ny liom-bavy izy io. Menamasobe no sady be volony be ary mandeha mafy dia mafy tokoa no sady tsy iray monja. Vetivety izy dia nanjavona vokatr’izany na dia efa nodidinina tovolahy maromaro aza, ireto farany izay nanapa-kevitra fa hanao fiambenana isan-kalina manomboka izao. Tsiahivina moa fa tamin’ny faran’ny herinandro teo dia toerana fiompiana biby fiompy iray tao Ambohikely Avaratra Itaosy no nataon’io biby io nahita faisana ireo gana sy akoho tao anatiny. Saika tapaka avokoa ny tendany sy ny lohan’ireto farany noho izany, biby fiompy saika havoaka mialohan’ny fetin’ny Paska.
Pati
Sary fanehoana