airtel

Fandriampahalemana

04-août-2022

Fandriampahalemana

Zava-doza ny fandriampahalemana Misy miakatra tosi-dra mihitsy noho ny tahotra

Sample post image

tsy andro tsy alina intsony amin’izao fa mitaintain-dava toy ny soabakaka am-body rindrina ny ankamaroan’ny isan-tokantrano eto amintsika manoloana ny tsy fandriampahalemana misy.

04-août-2022

Ho an-dRamatoa Mirana, Renim-pianakaviana 40 taona mahery miasa amin’ny orinasa afaka haba iray eto amintsika dia nambarany fa tena reraka izy. Raha araka ny fanazavany dia miditra amin’ny 06 ora sy sasany maraina hatrany izy isan’andro. Tsy maintsy miala ao an-trano araka izany amin’ny 05 ora maraina nefa mbola maizina ny andro. Vao andro vitsy monja izay hoy izy no maty novonoin’ny sasany handeha hamonjy asa maraina ilay namako. Tsy nanana filaminan-tsaina intsony aho hoy izy nanomboka teo. Isan’andro anefa dia tsy maintsy mifoha amin’ny 04 ora maraina izy mahandro ny sakafon’ny ankizy sy ny sakafo atoandro kely entiny. Mbola olana ihany koa ny fanenjehana taxibe raha tsy lazaina intsony ny fitohanana eny an-dalana. Fanampin’izay hoy hatrany izy dia mbola niakatra ihany koa ny saran-dalana ka indraindray mandeha dia an-tongotra amin’ny hariva hanamaivanana ilay fandaniana. Mila hiakatra tosi-dra mihitsy aho indraindray hoy izy rehefa mody amin’ny hariva iny noho ny tahotra ireo mpanendaka saingy mbola tsy tratrany aloha. Tena sarotra ilay fiainana ary mila tsy ho zakan’ny vahoaka intsony hoy Ramatoa Mirana. ENCADRE Tena mafy ny hiainan’ny vahoaka Malagasy ankehitriny. Ankoatra ny vesatry ny asa dia mbola olana ihany koa ny tsy fandriampahalemana izay saika hahafatesan’olona hatrany. Ny rotorotom-piainana tsy lazaina intsony, ny fiakaran’ny vidim-piainana ihany koa efa tantara antony goavana miteraka tsy fahasalamana, ka tokony hampieritreritra ny mpitondra.
Pati
 

Dans la même rubrique

28-mars-2024

Jiolahy miisa 04 no indray voasambotry ny Polisy miasa ao amin'ny CSP4

Card image cap
28-mars-2024

Tovolahy 19 taona no saron'ny zandary avy ao amin'ny borigadin’i Talatamaty

Card image cap
28-mars-2024

Nisy kodiaran-droa ana orinasa iray nisy nangalatra teny Atsimondrano afak’omaly 26 Martsa.

Card image cap
28-mars-2024

Nidina ifotony teny anivon'ireo Fokontany miisa telo eto an-drenivohitra ny

Card image cap
27-mars-2024

Tra-tehaka teo am-piandrasana fiara ny rongony 15 gony

Card image cap
27-mars-2024

Lavo voatifitry ny dahalo teo am-pamitana ny asany ny zandary kilasy faharoa Ramilave,

Card image cap