airtel

Politique

26-janv-2023

Politique

Alatsinainy mainty 14 taona katroka anio

Sample post image

Feno 14 taona katroka anio 26 janoary 2023 ny alatsinainy mainty na “lundi noir”, fotoana nahamainty tanteraka ny lanitr’I Iarivo.

26-janv-2023

Io alatsinainy mainty 26 janoary 2009 io no ivon’ny fanonganam-panjakana sy ny famotehana teto amin’ny firenena. Fotoana isan’ny nampitsiriana ny kolontsain’ny ory hava-manana sy ny barofo, hany ka maro ireo fananan’olona norobaina sy nopotehina teto Antananarivo sy tany amin’ny faritra maro. Anisan’izany ny an’ny filoha tamin’izany fotoana. Mandrak’ity ny androany, betsaka tamin’ny fananan’olona potika sy rava tamin’izany no tsy fafarina intsony, betsaka ny olona no niova tanteraka ny fiainany nanomboka teo, potika sy rotika ary tapi-dalan-kaleha,… Ny fananana potika sy rotika mety tafarina ihany, fa manao ahoana ny firenena amin’ny ankampobeny 14 taona aty aoriana? Nitondra soa sy fivoarana ho antsika ve ny revolisionina nodradradraina tamin’izany sa novidian-dafo mandrak’androany? Efa miadana sy mihinana vary 500Ar/kg sy menaka 2500Ar/L ve ny vahoaka Malagasy ankehitriny? Mbola nahazo fahefana indray ny tompon’andraikitra tamin’izany ka aiza ho aiza ny fiainam-bahoaka Malagasy amin’izao? Matoa nanao revolisionina sy nandrombaka fahefana dia tokony hahavita bebe kokoa noho ny nahongana na nodimbiasana, ary tokony ho lesona ho an’ireo izay mieritreritra mbola hitondra firenena izany. Tsy finiavana hitanisa ny lasa sy hamoha fotamandry, fa kosa mila ampahatsiahivina ny tantara, mba hakana lesona. Akaiky fifidianana, ary ao anatin’ny vanim-potoana mafampana rahateo I Madagasikara.
Toky R
 

Dans la même rubrique

12-avril-2024

Lasibatry ny teti-dratsy politika maloto mba tsy hisian’ny kandida afatsy kandidam-panjakana tao Sambava

Card image cap
12-avril-2024

Mivarahontsana isika satria tena sahirana tanteraka ny firenena kanefa misy mpitantana.

Card image cap
12-avril-2024

Tsy mbola niova ny fahitan’ny antoko politika Fiombonana ny fifidianana eto Madagasikara,

Card image cap
12-avril-2024

Taorian’ny fifidianana Filoham-pirenena farany teo no efa nanomboka nivoaka ny resaka sy ny feo,

Card image cap
12-avril-2024

Notsikafonin’ny Firaisamonim-pirenena heveriny fa didy jadona sy fanitsakitsahana ny :

Card image cap
12-avril-2024

Natolotra ofisialy ny alarobia 10 aprily teo teny Alasora ny lisitry ny kandida tarihin’ny Depiote Gerry Randriambolaina

Card image cap