Filohampirenena tamin'ny 16 novambra 2023 izay efa nambaranay fa tsy ara-dalána ny nanatanterahana izany, ary tsy tomombana tanteraka ny fepetra rehetra nitondrana ny zotram-pifidianana, hoy ny Antoko HVM. Manamafy io antoko io, fa tandidonin-doza ny firenena satria tsy ampy ny fankatoavan'ny vahoaka ny fahefam-panjakana (Legitimité), raha ny tahan'ny fandraisan'anjaran'ny mpifidy vonjimaika latsaky 30%, azo sokajiana ho ambany indrindra tamin'ny fifidianana filohampirenena nisy teto amin'ny firenena. Nohamafisin’ny HVM ny fijeriny nanomboka ny febroary 2020 momba ny tsy fahaiza-mitantan'izao fitondrana izao sy ny tsy fanajana ny tany tan-dalana. Anisany amin'izany ny fitsikeranay ireo fanapahana nataon'ny Fitsarana avo momba ny lalampanorenana (HCC) sy ny tsy fahamatoran'ny vaomiera misahana ny fifidianana (CENI) izay noheverina fa mba hoe : mahaleotena, hoy hatrany io antoko io, ka isan’ny notsikerainy ny fandrafetana ny rejisi-pifidianana. Voaporofo ankehitriny ny firaisana tsikombakomban'ny HCC sy ny CENI amin'ny fiarovana ny tombontsoan'olo tokana izay manitsakitsaka ny soatovina repoblikanina sy ny fahefam-bahoaka, hoy ny HVM. Noho ireo antony ireo, nanambara ity antoko ity fa: mijoro hatrany hiaro ny rariny sy ny ara-dalana satria tsy afaka hiantoka ny fitoniana ara- politika io fifdianana izay natao amboletra io, ary vao maika hanapotika ny fiarahamonina Malagasy sy ny toe-karena; Tsy hanaiky ny valim-pifidianana izay peta-toko sy tsy nandraisan'ny rehetra anjara, tsy manaraka ny fenitra iraisam-pirenena ary feno hosoka; Miantso ny firaisambe iraisam-pienena sy ireo mpanara-maso ny fifidianana mba tsy hiray tsikombakomba amin'ny tsy fanarahan-dalána sy mba hiaro ny tombotsoan'ny maro an'isa ; Mampirisika ny herivelona rehetra mba hijoro hatrany hanohy ny tolona izay efa natomboka. Mila fanovana isika mba hirosoana amin'ny fifandimbiasam-pitantanana ara-demokratika sy ho fametrahana fitoniana maharitra, hoy ny HVM.
Toky R
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny