airtel

Politique

25-avril-2024

Antoko politika RCR-Tolona

«Ny fanabeazana ihany no ahafahana manandratra firenena»

Sample post image

Mila averina ny hasin’ny fanabeazana eto Madagasikara, hoy ny antoko politika RCR-Tolona,

25-avril-2024

tarihin’ny filohany, Laza Razafiarison, nandritry ny fanolorana vatsim-pianarana ho an’ireo 18 mianadahy tsara vintana nomen’ny antoko izany tetsy amin’ny Motel Anosy omaly. Ny fanabeazana ihany, hoy ny filohan’ny antoko, no ahafahana manandratra firenena. Nandray handraikitra izahay eto anivon’ny RCR hanohana ireo mpianatra hita fa marefo sy mendrika eny amin’ireo oniversite rehetra manerana an’i Madagasikara sy oniversitem-panjakana. 896 ireo mpianatra niadina fa ireo 18 ireo no afaka tamin’izao andiany voalohany izao. Misokatra amin’ny volana may indray ny dingana faharoa. 120.000 Ariary isam-bolana no omena azy ireo. Tsy mifidy lalam-piofanana fa rehefa oniversitem-panjakana ka mafeno fepetra sady mazoto mianatra dia mahazo ilay vatsim-pianarana. Fanontaniana mikasika ny fahalalana ankapobeny, momba ny firenena, ny fandraisana andraikitra eny anivon’ny fiarahamonina, mikasika ny fianarana ataony no apetraka amin’ireo mpiadina. Maro dia maro ny kaomisionina eto anivon’ny antoko, hoy hatrany ny filohan’ny RCR. Miisa 32 ankehitriny ireo vatsim-pianarana manaraka efa vonona ao ary miisa 24 hatreto ireo malala-tanana mandray anjara amin’ny famatsiana izany, raha ny fanampim-panazavana hatrany.
J. Mirija 

Dans la même rubrique

19-juil-2024

Tsy manary namana ny Filoha Rajoelina, izaho no « bête noire » an’ny mpanohitra,

Card image cap
18-juil-2024

Nijanona ho resaka ambony latabatra sy fangaronan-dela ara-politika aloha ilay hoe :

Card image cap
18-juil-2024

Manoloana ny fanenjehana ara-politika miseho lany ankehitriny dia nanambara ny antoko politika

Card image cap