airtel

Politique

02-mai-2024

TANORA TIM- FIRAISANKINA AVARADRANO

Hampandany ny kandida Avotra sy Jimmy

Sample post image

Hampandany tsy misy fepetra ny kandida Avotra sy Jimmy natolotry ny Vovonana Firaisankina

02-mai-2024

ao anatin’ny distrikan’Avaradrano ireo tanora Tiako I Madagasikara ao anatin’ny distrika iray ity, arahin’ireo mpikambana maro samihafa ao anatin’ny Vovonana Firaisankina. Nanao fanambarana teny amin’ny ivon-toeram-pilanonana Happy izy ireo omaly Talata 01 May ka anisan’ny tena tanjon’izy ireo ny hanaovana poa-droa mandritra ny fifidianana hotanterahina ny 29 May ho avy io hahafahana mitondra ny fitarainany eny anivon’ny Antenimieram-pirenena. Maro ireo zavatra tsy mandeha amin’ny laoniny intsony eto amin’ny firenena hoy ny mpitondra tenin’izy ireo omaly. Lohalaharana amin’ireny ny fiakaran’ny vidim-piainana, antony mahatonga ireo olona sasany hihinankinam-poana toy ireo mponin’i Toamasina izay nangady ireo vary simba efa nalevina. Eo koa ny tsy fandriampahalemana. Mandry tsy lavo loha ny vahoaka, mirongatra ny fakana an-keriny raha tsy lazaina intsony ny fanararaotam-pahefana hataon’ny mpitondra fanjakana ankehitriny izay manery ireo tompon’andraikitra isan-tsokajiny handatsa-bato ho an’ny kandida natolony. Mihamaro an’isa ihany koa ireo mpianatra nahavita fianarana tsy mahita asa hoy hatrany izy ireo raha tsy lazaina intsony ireo mbola maniry te-hianatra nefa tsy afa-manoatra noho ny tsy fisian’ny ho enti-manana. Miantso ny tanora mba hifoha izy ireo noho izany ka tsy hanaiky ho voarebirebin’ny mpanao politika amin’ny fizarana zavatra kely. Manan-danja ny safidy hoy izy ireo koa andao handatsa-bato amin’ny datin’ny 29 May ho avy izao. Notsiahivin’ny kandida lisitra faharoa Randriantsoa Jimmy sady Ben’ny tananan’Alasora moa fa adidin’ny tsirairay ny miaro ny safidiny indrindra manoloana ireo bileta efa vita tadiavin’ny sasany hasisika sy ny fanangonana kara-panondrom-pirenena izay efa hataon’ny sasany eny Avaradrano ankehitriny.
Pati
Legende : Nandritra ny fanambarana nataon’izy ireo omaly teny Ambohimangakely !
 

Dans la même rubrique

19-juil-2024

Tsy manary namana ny Filoha Rajoelina, izaho no « bête noire » an’ny mpanohitra,

Card image cap
18-juil-2024

Nijanona ho resaka ambony latabatra sy fangaronan-dela ara-politika aloha ilay hoe :

Card image cap
18-juil-2024

Manoloana ny fanenjehana ara-politika miseho lany ankehitriny dia nanambara ny antoko politika

Card image cap