tonga teny aminy CENI ny birao politikan'ny antoko TIM omaly, niresaka sy naka ny hevitr’io Vaomieram-pifidianana io. Anton’izany ny fisian’ny fanakatsakanana ny hetsika ataon’ny antoko politika mikasika ny fanentanana ny olom-pirenena hisoratra anarana aminy lisi-pifidianana, raha ny nambaran’ny TIM. Araka ny tatitra nataon’ny Sekretera Jeneralin’ny TIM Rina Randriamasinoro, nilaza ary nanamafy mihitsy ny Filohan’ny CENI fa tena ilaina ny fandraisan’anjaran’ny herivelona rehetra eto amin’ny firenena amin’ny fanentanana ny olona hisoratra anarana amin’ny lisi-pifidianana. Nanamafy fa ilaina ny fanentanana, hoy ny tatitra. « Ny governemanta ohatry ny mialokaloka foana amin’ny hoe : fanakorontanana, izahay tena milaza fa tsy izao izahay vao handeha hanongam-panjakana. Izahay tena hanao izay hanentanana ny olom-pirenena handray anjara amin’ny fifidianana, ary tsy misy zavatra takianay afatsy ny fifidianana madio satria izay ihany no ahafahan’ny firenena miala amin’ny fahasahiranana. Tsy tsara intsony raha izao no mbola hisy krizy politika”, hoy i Rina Randriamasinoro. Nanamafy noho izany ny TIM fa aleo miara-miatrika fifidianana, aleo hisy fitoniana mialohan’izay, aleo hadio ny fifidianana hanan’ny vahoaka fitokisana, ary izay tena lanim-bahoaka no tokony hivoaka eo. Manamafy ny fitakiana fahalalahana hanao fanentanana ara-politika noho izany ny TIM, ary nampahatsiahy fa sady voafaritry ny lalàna mifehy ny antoko politika izany no ao anatin’ny lalàm-pifidianana. Momba ny lisi-pifidianana moa, efa mihoatra ny 10 tapitrisa ny voasoratra raha ny antontan’isan’ny CENI nampitainy tamin’ny TIM, ary tokony hotohizana ny fanentanana.
Toky R
Manaraka ny zava-misy ny antoko politika UNDD, hoy ny filohany, Dr Manoro Régis. Hitanay ny mahazo ny vahoaka, hoy izy.
Mihazakazaka ny toe-draharaha politika, ary hita ho miha mangotraka amin’izao 5 volana mialohan’ny fifidianana izao. Mandeha ny adihevitra samihafa toy ny firesahana sy adihevitra ambony latabatra hametrahhana ny fitsipi-pitondran-tena,
Nankalazaina omaly 01 jona 2023 ny fankalazana ny faha-247 taonana nanambarana ny fahaleovantenan’i Etazonia
Madagasikara an’ny malagasy no fantatray, hoy ny antoko politika Matsilo. Na ny fitondrana ankehitriny aza, hoy ny filohan’izy ireo, Joseph Yoland,
Sarotra raha amin’izao ny hahatarika olona hidina an-dalambe, hoy ny mpamakafaka raharaham-pirenena, Jerry Rakotoarijaona.
Lalaovin’ireo mpamatsy vola mahazatra isika, hoy ny antoko politika Natiora. Averiko ihany, hoy ny filohan’izy ireo, Mihari-Ni-Rencho,