Bodo Razafindrazaka

hoy ny mpanakanto sady kandidà ho solombavambahoaka farany teo, Bodo Razafindrazaka. Ekena koa, hoy izy, hanim-bao hita io ka nahoana no tsy mba maika Hanandrana? Ekena mihitsy, tezitra mafy izay tsy miombona hevitra fa raha vao vita ary ny kifalifaly dia andao atrehina sy imasoana ny mahasoa toy ny asa fitadiavana, fahasalamana, fianarana, fandriampahalemamana sy izay efa hainareo! Tsy atoro voanjo hadiana ianare . Ela be nefa vao masaka ny vary eny an-tsaha. Mila faharetana koa herezo fa ianareo izao no eo. Dada sy neny ny mpitondra sy ny mpanohitra raha oharina ao an-tokantrano. Ny hevitrareo tsy natao hitovy foana ary soa izany fa afantsiho aty aminay zanakareo ny masonareo, ny fonareo, ny herinareo dia fantatrareo izay filànay zanakareo. Ny mahasoa sy ny mahafinaritra samy ilainay fa anjaranareo no mandahatra dia mifampihainoa fa aza ilaozanareo miady! Aleveno ny ambom-po sy ny tendrim-po tsy mba namana fa manjary kamboty izahay. Tsy misy afa-miala amin'ny andraikiny ny mpanohitra sy mpitondra. Samy ilaina! Raha tady iny dia natsipiko an-tandroky ny omby fa teny iny ka atsipiko am-pon' ny mahalala, hoy hatrany ny tenany.
Nangonin’i J. Mirija