ny frankofonia, ary ny fiaraha-miasa iraisam-pirenena an’I Madagasikara. Nisy ny fandraisan’anjarany tamin’ny Filankevitry ny Minisitra anatin’ny Kaomisionin’ny Ranomasina Indianina na ny COI, izay nanakatona ny fitantanan’ny Malagasy ny toerana maha Filohan’ny io COI io. Zava-dehibe amin’i Lafrantsa io rafitra iraisam-pirenena io, ary efa 40 taona izy ireo no mpikambana eo anilan’i Madagasikara, ny Vondron’ny Nosy Kaomoro, Maorisy ary Seychelles, hoy hatrany io Sekreteram-panjakana Frantsay io. Nanamafy ny finiavan’i Frantsa amin’ny asa iraisana mikasika sehatra maro toy ny fandriampahalemana, ny tontolo an-dranomasina, ny fidirana amin’ny sehatra ara-toekarena, fiarovana ny tontolo iainana, na koa ny fiaraha-miasa ara-pahaslamana. Nanamafy ihany koa ny finiavan’ny Eoropeanina amin’ny alalan’ny Global Gateway izay ahafahana manafaingana ny fanovana ara-ekolojika, angovo, ary ny nomerika ho an’ireo firenena mpiara-miombon’antoka amin’i Lafrantsa, ka tafiditra ao anatin’izany ny COI sy Madagasikara, mba hametrahana an’io faritra io ho sehatra malala sy mivelatra ho amin’ny soa iombonana, ao anatin’ny fanajana zo aman-dalàna sy amin’ny alalan’ny fitadiavana fiaraha-miasa mivelatra araka izay azo atao. Ankoatra ireo fihaonana samihafa, isan’ny nanamarika ny diany ny fifanaovan-tsonia teo amin’ny AFD (Agence Française de Développement) sy ny Minisiteran’ny toekarena sy fitantanam-bola mikasika ny fiarovana ny tontolo iainana, izay misy fampiasam-bola 2 tapitrisa euros, ary teo ihany tohana ho an’ny fitantanam-bolam-panjakana 7 tapitrisa euros. Nandritra ny fihaonana tamin’ny Filoham-pirenena Andry Rajoelina kosa no nanamafisan’ity Sekreteram-panjakana Frantsay ity ny fanamafisana sy ny fivelaran’ny fiaraha-miasa eo amin’ny Firenena roa tonta. Ara-politika sy jeopolitika, tombanana ho tsy tongatonga ho azy ny fahatongavan’ity tompon’andraikitra Frantsay ity teto amin’izao mialohan’ny fifidianana izao, ary andrasana ihany koa ny fahatongavan’ny Minisitry ny raharaham-bahiny Cathérine Colonna, raha tsy misy ny fiovana.
Toky R
Fitakiana io ary zon’ny rehetra ny midina an-dalambe, tena zo izany ary ny fianakaviambe iraisam-pirenena izay tsy
Mizara roa ny fanaovana politika, ka misy ny mitaky ny hanajana ny fiandrianam-pirenena sy ny fanjakana tan-dalàna
Ho mafy ity tolona ity, hoy ny mpitarika ny Hetsika fotsy, Hary Razafindrazaka! Be loatra, hoy izy,
Namoaka fanambarana manamafy ny hisian’ny fitarihana vahoaka eny amin’ny Kianjan’ny 13 may anio
Anio ny fotoana voatondro hisian’ny fidinana an-dalambe eny amin’ny Kianjan’ny 13 may
Araka ny efa nampozina sy efa mahazatra, namoaka fanambarana ny OMC (Organe Mixte de Conception)