Lalana rarivato na “pavé mirefy 1km no atao teto, ary mandeha an-tsakany sy an-davany ny fanatanterahana, raha ny fizotrany eny an-toerana. Angady nananana sy vy nahitana an’izany ny depiote Todisoa Andriamampandry voafidy tao amin’ny Boriborintany faha-6 eny Ambohimanarina. Nisy ny fidinana ifotony nataony niaraka tamin’ireo fokonolona nanara-maso ny asa tamin’ny fiandohan’ny herinandro ity. “Marihina fa efa fampanantenana nomena tamin’ny vahoaka ny fanamboarana an’ity lalana ity làlana ity, ka manatanteraka izany isika izao”, hoy ny Depiote Todisoa Andriampandry. Tsy vao sambany io, fa efa nahazo ny anjarany ny fokontany Ambaravarankazo, Ambodihady Ambohimanarina,… Mbola ho avy ny an’ny fokontany hafa fa aza manahy, hoy ny Depiote Todisoa Andriamampandry, izay nanipika hatrany, fa tsy misy manana ny ampy fa sambatra izay mifanampy. Nankasitraka hatrany ny ezaka ataon’ity depiote sady mpanao lalàna no manao lalàna ity kosa ireo mponina, ary misy mihitsy no maneho fa raha tahaka izao avokoa ny olom-boafidy, mandroso I Madagasikara. Ankoatra ny tetikasa làlan-kely moa, dia misy ireo asa sosialy samihafa ataon’io Depiote io, ka isan’izany ny “cours” maimaimpoana ho an’ireo hanala fanadinam-panjakana BEPC sy Bakalorea hanomboka ny 03 jona izao.
Toky R
Nanapa-kevitra ny hiara-dia amin’ny kandida laharana voalohany Tahina Razafinjoelina I Patrick Raharimanana
Nanindry mafy omaly my depiote Keron Idealson, voafidy tao Ampanihy andrefana fa tsy azo vakivakiana amin'izay
Variana amin’ny toe-java-misy ankehitriny aho, hoy ny mpahaifiarahamonina politika sady filohan’ny antoko politika Ny Fireneko, Paul Rabary,
Manoloana ny zava-miseho ankehitriny eo amin’ny sehatra politika, ny antoko politika Maitso hasin’i Madagasikara,
Taorian’ireo fihaonana samihafa nataon’ireo kandida toy ny tamin’ny FFKM, tamin’ny Vondrona Iraisam-pirenena,
Niresaka ny praiminisitra fa tsy azo ivalozana ny didy navoakan’ny HCC, hoy ny antoko politika Fiombonana.