tia tanindrazana

Parution du Mercredi, 28 Septembre 2022

airtel

Politique

Fanjakana Rajoelina "Tsy mahay, tsy manaiky ho diso mihitsy..."

Manana ny fahaiza-manaony sy ny nampiavaka azy ny Filoha ankehitriny Andry Rajoelina, manana ny tantaram-pahombiazana ara-piainana na “success story” izay nideran’ny maro azy izy,

09-août-2022

Sample post image

izay tsy azo hafenina, ary maro no nidera azy tamin’izany raha ny sehatry ny fandraharahana. Raha ara-politika, tena mahomby sy mahay raha maka sy mandrombaka fahefana amin’ny fomba rehetra. Ara-pitantanana ny firenena kosa, ekena fa nanana ny heverina fa paikadiny izy, nahavita izay najorony sy natsangany. Samy nanao an’izany ny rehetra, fa raha tarafina amin’ny fandrosoan’ny vahoaka sy ny firenena, raha jerena amin’ny fari-piainan’ny olona, tsy sasatry ny mitotongana ny firenena rehefa I Andry Rajoelina no mandray fahefana. Niainga 2009 io, nitohy 2019 hatramin’izao, politikam-pitantanana manidintsidina, tsy marin-toerana,… ka ny fampanantenana no betsaka fa ny fanatanterahana sarotra, hany ka potika ny firenena. “Tsy mbola nisy ny fotoana tahaka izao, tao anatin’ny 60 taona hoe: firenena milamina, azo lazaina fa mbola misy fitoniana politika satria mbola eo avokoa ny rafitra ny andrim-panjakana, kanefa dia miaina anaty fahapotehana tanteraka ao anaty toekarena na “paralysie économique”, hoy ny fanehoan-kevitry ny mpisintona lakolosy sady mpamakafaka Mahery Lanto Manandafy tao amin’ny Top Radio FM 102.8 omaly 08 aogositra 2022. Aminy, efa tonga amin’ny fahasahiranana ara-bola tanteraka na “cessation de paiement”: ny Orinasa Air Madagascar banky ropitra sy potika mila mandalo Madagascar Airlines vao mahazo vola, ny Jirama potika, tsy mbola nisy nikitika sy naka ny vola tao amin’ny CNaPS ny Fanjakana rehetra nifanesy, fa ity ihany no nahavitana an’izany,… potehinao ny CNaPS 300 miliara Ar tsy hita tao, nopotehinao ny FER (Fonds d’Entretien Routier) 547 miliara Ar nanjavona, lazaina fa izay 49 miliara Ar an’ny orinasa vaventy ve tsy ho voaloa kanefa tsy aloa, 15 tapitrisa dolara ny anjaran’ny Fanjakana tamin’ny fanamboarana ny Kianja Barea, ohatry ny tsy voaloan’ny Fanjakana, saingy tsy azon’ny sinoa makany Chine,... Nahitsy moa izy naneho, fa tena hain’io Filoha io mihitsy ny mandainga, mametraka vatofototra,… Ny vahoaka nolazaina fa aza mamboly vary, fa mambolea artemesia ankoatra ny efa famotehana tao, dia izao 2022 vao hoe: fambolena no laharam-pahamehana. Marina fa niteny hoe: zava-dehibe ny fitoniana politika, tsy misy fampandrosoana vanona raha tsy misy fitoniana, fa ankehitriny mametra-panontaniana hoe: Sao mba tokony sakanana amin’izay, minisitry am-perin’asa ve mandeha maka volamena 36kg amin’ny “coffre” izay nampitantanana azy? Hoy I Mahery Lanto Manandafy omaly. Na izany aza, tsy miombon-kevitra amin’ny resaka fikaonan-doham-pirenena izay ambarany fa politikan’ny fizarazaran-tseza ity mpampaneno lakolosy.
TSY MANAIKY FA HATREO NO TAKANY…
Sarotra ny miady hevitra rehefa tonga amin’ny fotoana tsy mihaino, tsy manaiky diso, tsy te hahalala afatsy ny heviny ny mpitondra na ny Fitondram-panjakana iray na miharihary aza ny “tsy fahaiza-mitantana” manara-penitra. Samy nanana ny fahaizany, samy nanana ny fetrany ireo filoha teo aloha, saingy nisy ny niaiky ny fetrany, ary tsy fandokafana raha mampahatsiahy i Marc Ravalomanana dia niantso manam-pahaizana samihafa tahaka ireo Malagasy sangany izay saika niverina niasa any amin’ny sehatra iraisam-pirenena toy ny Banky Iraisam-pirenena, tahirim-bola iraisam-pirenena. Niantso manam-pahaizana vahiny toy ilay mpahay toekarena efa nahazo ny amboara Nobel dia I Joseph Stiglitz, ilay Franco-Norvegienne malaza izay nanolo-tsaina azy momba ny lalàna, mpanolontsaina ara-politika teratany Allemand Docteur Einsslin, ilay Frantsay Michel Prévost sy ilay Norvezianina Roger Christen teo amin’ny lafiny PIC (Pôles Integrés de Croissance),…

Toky R 

Dans la même rubrique

Card image cap
Miralenta ho an’ny fanaovana politika 75% amin’ny Malagasy no mankasitraka…
28-sept-2022

Nitondra ny tatitry ny fanadihadiany mikasika ny fitantanana, ny demokrasia, ary ny fiainana ara-tsosialy eto Madagasikara, niainga tamin’ny lohahevitra roa lehibe dia ny “Miralenta” sy ny “Fiarovana ny zon’ny ankizy”.

Card image cap
Pimaso amin’ny mpamatsy vola Hiara-hiasa ny Minisiteran’ny vola sy ny Bianco
28-sept-2022

Notanterahina androany 27 septambra 2022 teny amin’ny Trano Fivorian'ny Plan Anosy ny famoahana amin’ny fomba ofisialy ny Politika Anatiny Iadiana amin'ny Kolikoly ho an'ny Ministeran'ny Toekarena sy ny Fitantanam-bola (MEF).

Card image cap
Depiote Fetra Ralambozafimbololona “Hiverina amin’ny fanoherana tsy ho ela ireo”
28-sept-2022

Voasakantsakana ny antoko politika Tiako I Madagasikara na TIM raha nanao fampiratiana an-tsara ny tantarany noho ny tsingerintaona faha 20 tany Mahajanga,

Card image cap
Fitantanana ny firenena Efa tena Fanjakan’i Baroa no misy eto
23-sept-2022

Mbola tany misy Fanjakana ihany ve eto sa izao ilay antsoina hoe: Fanjakan’I Baroa? Ny volan’ny Tahirim-pirenena ho an’ny fiahiana ara-tsosialy na ny CNaPS toa natao tantely afa-drakotra ka ny

Card image cap
Rivo Rakotovao “Efa ny Banky foibe angamba no vaky vao ho taitra ?”
23-sept-2022

“Malahelo satria olona efa any am-ponja 4 taona ve dia manao “atteinte à la sûreté intérieur de l’Etat”? Mbola ilay zandrinay ihany ve no lazaina fa manongana ity Fanjakana ity, Fanjakana matanjaka be io.

Card image cap
Fampandrosoana Mifampiankina ny toekarena sy ny fifandraisana iraisam-pirenena
23-sept-2022

Azo lazaina ho mbola mifehy ny toekaren'izao tontolo izao ireo firenena miisa 8 matanjaka indrindra eto ambonin’ny tany ao anatin’ny antsoina hoe G8.

Voir plus