izay miteraka savorovoro dia tonga eto izahay, hoy ny Vovonan’ny raiamandreny Betsileo avy amin’ny faritra Matsiatra ambony, Fianarantsoa, omaly, tetsy Isotry, Nitondra vahaolana sy sosonkevitra handaminana ny toe-draharaha. Tsy vao ela akory izay ny fanambarana nataon’ny filohan’ny antenimieram-pirenena mikasika ny fikatsaham-bahaolana momba ny zava-misy eto amin’ny tany sy firenena, hoy izy ireo. Mankasitraka izany fijoroany sy fahasahiany izany izahay ary koa ny fandraisany andraikitra tsy mijery harona an-tava sy tsy mitanila. Mariky ny maha raiamandreny sy tia tanindrazana izany. Tsy ankasitrahanay ny fanakanana sy fanosihosena, endrika tsy fanajana azy! Ara-tantara, ny foko Betsileo dia nandova ny fahaiza-manao momba ny fampihavanana ka voaporofo izany tamin’ny zava-misy nandalo teto amin’ny tantaran’ny firenena. Mipetraka ho elanelam-panahy izahay ka vonona ny hitondra ny fifampiresahana mba hisian’ny fampihavanana eo amin’ny samy malagasy. Tsy tsara ny firosoana avy hatrany amin’ny fifidianana raha izao hita izao. Mbola maro ireo olana tsy voatanisy mila fifampidinihana mialoha mba handaminana ny raharaha handraisana sosokevitra avy amin’ny olompirenena rehetra. Manolo-tanana ny amin’ny anohizan’ny filohan’ny antenimieram-pirenena ny andraikitra efa noraisiny tamin’ny kabariny nanokafana ny fivorian’ny antenimieram-pirenena izahay. Hitandroana sy hanajana ny soatoavina malagasy izany. Manao antsoavo ny herivelona rehetra tsy an-kanavaka mba samy handray ny andraikitra tandrify azy fa raha ny rafitra misy amin’izao fotoana izao dia tsy hampandroso ny firenena. Vonona hifampiresaka amin’ny herivelona rehetra izahay, hoy hatrany izy ireo.
J. Mirija
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny