Tsy ny fizaran-javatra no ratsy, ar ilaina tokoa ny fifanampiana ao anatin’ny fotoan-tsarotra. Na izany aza, miharihary hatrany ny politikan’ny vonjy tavanandro sy ny kisehoseho hakana fom-bahoaka satria akaiky ny fifidianana. Mifanohitra ihany koa ny zavatra nambara sy ny miseho ankehitriny. Raha hahavita tena ara-tsakafo amin’ny maha sompitra ara-bary azy sy hampiroborobo ny fambolena ary hanondrana no nampanantenaina, 4 taona aty aoriana dia I Marovoay indray no lasa vatsiana vary “stôky” satria tsy nisy politikam-pamokarana mazava fa aty amin’ny faran’ny fe-potoana iasana vao manao fihetsika hakana ny fon’ny olona. Raha hiverenana ny propagadin-dRajoelina tao Marovoay ny 15 oktobra 2018, “ny fialana amin’ny fambolena nenti-paharazana ho any amin’ny fomba fambolena mampiasa fitaovana avo lenta sy manara-penitra dia anatin’ny vinan’ny IEM. Ao anatin’ny fotoana fohy dia hahaleo tena amin’ny resaka vary I Madagasikara. Tsy ho ela dia afaka hanondrana vary any amin’ny ranomasimbe Indianina I Marovoay. Famatsiam-bola goavana no nomanina hanamboarana tohodrano lehibe hahafahana mampiditra rano ho an’ireo tanimbary ao Marovoay ka hahafahan’ireo mpamboly mampitombo ny vokatra”, hoy izy. Taona maromaro aty aoriana, aiza ho aiza amin’izany fampanantenana izany ny vokatra? Raha tena notanterahina ny fampanantenana sy fanamby tsy mbola hiaina ao anatin’ny politikan’ny “tsaky pop” nolovaina tamin’ny Repoblika faharoa no tonga!
Toky R
Kandida avy amin’ny antoko AREMA miisa 25 no tsy afaka mandray anajara amin’ny fifidianana ho
Nanahirana ny nikarakara ny taratasy filatsahan-kofidiana solombavambahoaka tamin’ity,
Tongotra mby an-dakana ny fifidianana Solombavambahoaka hotanterahina ny 29 Mey
Rava omaly Alarobia 17 Aprily ny DISTIM teo aloha na ny distrika TIM ao anatin’ny distrikan’Avaradrano.
Nivoaka ny alin’ny talata ny lisitr’ireo kandida voatazona hifaninana amin’ny fifidianana hatao ny 29 mey.
Manana kianja fa tsy azo hilalaovana, manana kaompania fa tsy misy fiaramanidina,