.jpg)
Andriamatoa filohan'ny fanavaozana, ho avy ny fotoana tsy maintsy hisafidy ianao na ny vahoaka niandrandra anao hitondra fanovana ifotony na ireto depiote forongony efa zatra ny fomba fanao teo aloha, hoy ny mpikatroka anivon'ny antoko politika, Leader Fanilo, Hary Razafindrazaka. Mahaiza misafidy, hoy izy, fa tsy mbola tara! Ianao no noraisina ho mariky ny fanovana ifotony. Aza disoana fanantenana ny vahoaka malagasy. Mahari-pery ny malagasy tsy mitaky anao hanafoana ao anatin'ny fotoana fohy ny fanarenana ny firenena fa mila kosa mahatsapa tokoa fa mizotra marina mankany amin'ny fanovana isika.
Tsy mila fikaonandoham-pirenena ny mametraka paikady hiadina amin'ny kolikoly toy ny fanatsarana ny lalana ohatra. Hatreto dia fandaniana vola. Asa na volam-panjakana na vola avy aiza no hitany! Ny vahoaka hanaovana kivorivory etsy sy eroa kanefa isika aza toa ao anaty krizin'angovo. Mitovy tsy misy hafa tamin'ny fomban'ny forongony teo aloha no taza-maso ankehitriny ka mampametraka fanontaniana ny maro. Aza disoina fanantenana ny vahoaka miandrandra fanovana, hoy hatrany ny tenany!
Nangonin'i J. Mirija
.jpg)