KOMITY MIARO NY TOLONA

Malagasy Maika ny fampanjariana ny jiro sy rano ho an'ny vahoaka Malagasy ho an'ny Komity Miaro ny Tolona na ny KMT tarihin-dRakotomavo Lanto. Ekena hoy izy fa efa tena manao ezaka lehibe ny Fitondram-panjakana amin'ny orinasa JIRAMA saingy tsy mora ihany koa ny manao zavatra, indrindra ao anatin'izao fanavaozana sy fanarenana ny Firenena izao. Ny KMT moa raha tsiahivina dia mijoro hiaro ny Tolona nanafahana ny firenena teo ambany vahaohan'ny jadona.Miantso ireo nandray anjara rehetra tamin'ny Tolona araka izany ny tenany mba hiditra ao anaty fikambanana. Nanatitra ny taratasy mba haha-ara-dalana ny fikambanana teo anivon'ny Ministeran'ny Atitany ny fikambanana omaly taorian'ny nanatanterahany ny fihaonambe. Tanjon'izy ireo ary hanaovany ady sisika mafy ny hisian'ny fampandrosoana eto amin'ny tany sy ny firenena mipaka any amin'ny fiainan'ny isam-batan'olona. Toraka izany koa ny hisian'ny fifampihainoana eo amin'ny samy Malagasy ahitana vahaolana maharitra fa tsy sanatria hamboly korontana indray.
Pati
Légende : Ireo mpikambana eo anivon'ny Komity Miaro ny Tolona !