Laza Razafiarison

ny volana may izao noho ny rafitra efa maty, hoy ny filohan’ny antoko politika RCR-Tolona, Laza Razafiarison. Ny fanovana rafitra miainga any amin’ny fotony ihany no hitondra fitoniana sy fampandrosoana eto amin’ny firenena, hoy izy. Miakazakazaka hiatrika fifidianana avokoa ireo mpanao politika eto Madagasikara saingy tsy tokony any no maha maika. Efa maty tanteraka ny rafitra eto Madagasikara. Isan’ny fotokevitra hijoroan’ny antoko RCR izany ka mbola hijoroany hatrany ny fanovana rafitra miainga any ifotony. Tsy hitondra fanovana ny fanatanterahana ny fifidianana solombavambahoka ny 29 may 2024 hoavy izao. Raha ny rafitra parlemantera manokana dia mbola misy ny tsindry any ambadika izay hita taratra tamin’ny nahazo ny filohan’ireo andrim-panjakana miisa 2 teto Madagasikara farany teo. Tsy mipetraka araka ny tokony ho izy ny andraikitr’ireo solombavambahoka malagasy izay lasa tsy mpanara-maso ny fahefana mpanatanteraka ary tsy mahavita tena manolotra lalàna hisy fiatraikany amin’ny vahoaka malagasy, hoy hatrany ny tenany.
J. Mirija