Raharaha vao tapitra ny faran’ny volana ho an’ny mpiasam-panjakana ary ny vahoaka madinika moa dia mampametra-panontaniana mihitsy hoe fomba ahoana ary no maha velona an’ireo? Izay toerana alehanao andrenesana resaka kolikoly daholo. Iainana isan’andro ny tsy fandriampahalemana. Izay ny sosialy. Ny politika dia hitantsika ny teny amin’ny 13 may sy tany Analavory. Mafana ny raharaha politika eto amin’ny tany sy ny fanjakana nefa manakaiky ihany ny fotoam-pifidianana. Manahy korontana izahay na aloha na mandritra izany fifidianana izany. Aleo alamina alohan’ny hidirana amin’ny fifidianana ny raharaha. Raha misy fifanarahana tsy maintsy atao ihany dia aleo atao mialohan’ny hihavian’ny korontana. Aleo tetezamita misoroka korontana toy izay hoe aorian’ny korontana. Matahotra mafy dia mafy mihitsy izahay izao ary tsy izahay irery fa be dia be koa ny olona miresaka aminay. Tsy hanaiky izay tsy lany amin’ireo kandida hita fa matanjatanjaka ireo. Izay lany koa tsy hanaiky ny fanoheran’ireo. Tsy maintsy hisy indray ny dikan’izay ny fifandonana sy aina afoy. Niainako ny 1972, 1991, 2002, 2009. Io vahoaka hitanao ohatrany matory amin’izao io rehefa taitra dia tena ho taitra tokoa. Tsy tana intsony! Mitady fotsiny io hoe iza no mpitarika azo itokisana na «crédible» hitarika an’ity zavatra ity? Miserasera amin’ny vahoaka aho dia maheno izany fanontaniana izany. Aleo sorohana izay zavatra izay fa ratsy. Pitik’afo tsy ampoizina dia mety ahatonga an’io. Mpianatra iray maty tany Ambalavao no nampirehitra an’ity Madagasikara ity tamin’ny 1972. Teo koa ny grevin’ny mpianatr’i Befelatanana. Tsy maintsy misy foana koa ny mpanararaotra raha vao misy toe-javatra toy izany. Sao ianareo miheritreritra fa faly io vahoaka malagasy io? Rehefa misy krizy tsy maintsy hifandamina ihany na tiana na tsy tiana ka aleo dieny izao izany fifanarahana izany dia atao. Tsy ho faly izay tsy ho lany eo satria ry zareo ihany no milaza fa tsy lasa mihitsy ity HCC ity na ity CENI ity. Tsy lasa mihitsy ny ataon’ny minisitry ny atitany. Ahoana ity mahazo ny vahoaka ity? Atahorana no dikan’izay ny fifandonana, hoy hatrany ny UNDD.
J. Mirija
Légende : Dr Manoro Regis
Nanapa-kevitra ny hiara-dia amin’ny kandida laharana voalohany Tahina Razafinjoelina I Patrick Raharimanana
Nanindry mafy omaly my depiote Keron Idealson, voafidy tao Ampanihy andrefana fa tsy azo vakivakiana amin'izay
Variana amin’ny toe-java-misy ankehitriny aho, hoy ny mpahaifiarahamonina politika sady filohan’ny antoko politika Ny Fireneko, Paul Rabary,
Manoloana ny zava-miseho ankehitriny eo amin’ny sehatra politika, ny antoko politika Maitso hasin’i Madagasikara,
Taorian’ireo fihaonana samihafa nataon’ireo kandida toy ny tamin’ny FFKM, tamin’ny Vondrona Iraisam-pirenena,
Niresaka ny praiminisitra fa tsy azo ivalozana ny didy navoakan’ny HCC, hoy ny antoko politika Fiombonana.