airtel

Politique

25-juil-2022

Politique

Marc Ravalomanana « Tandremo fa fandalovana io toeranareo io »

Sample post image

Tsy sahaza, tsy mendrika ny Malagasy ny fihetsika nataon’ny Fanjakana, fampihorohoroana ireo izay tsy mitovy hevitra aminy, fanaovana fitaovana an'ireo mpitandro ny filaminana, mba hiarovana ny tombontsoany », hoy i Marc Ravalomanana manoloana ny nisamborana ny Sekreratera Jeneralin’ny Antoko TIM sy ny Mpandrindra io Antoko io.

25-juil-2022

Niantefa tamin’ny vahoaka sy ny sehatra iraisam-pirenena ny tenany naneho fa herisetra, ary tonga dia atao fisambotra an-keriny fotsiny izao ireny, alainy amin'ny vozon'akanjony, ka izany no atao hoe : " terrorisme d'Etat", izany no atao hoe fampihorohoroana, tsy manaja sy manitsakitsaka ny lalampanorenana, efa niparitaka eran-tany ny zava-niseho, hampisehoana fa eto Madagasikara dia tsy misy mihitsy izany fanajana zon'olombelona izany, tsy misy fanajana ny hasin'ny maha-olona ny olona, ny maha-malagasy azy, ny maha-mpitarika azy, hoy hatrany i Marc Ravaolamanana. Nisaotra ny vahoaka ny tenany, naneho fa novotsorana ireo mpitarika satria tsy hita izay saika hilazana azy, saika hamorona fotsiny ny vesatra hatao amin-dry zareo, ohatran'ny zavatra nanjo ny tany Nosy be tamin'i Ninie Doniah. « Tandremo tsara fa fandalovana ny anareo eo amin'io toerana io, tandremo tsara fa ny fampandrosoana firenena tsy maintsy ao anaty filaminana, fifanakalozan-kevitra, fifampidinihana,… » hoy i Marc Ravalomanana nanipika fa ny Fanjakana no minia be marenina. Nanamafy ny fanamelohana tanteraka ny fihetsika ny Fanjakana tamin’ny sabotsy teo izy. Niantefa tamin’ny Fitsarana avo momba ny lalàmpanorenana (HCC) hoe : mba jereo raha tena tsy mitanila ianareo: ara-dalana ve ? Araka ny lalampanorenana ve ireny? Mety ve ireny natao ireny ? Na dia teny kely aza tsy avoakanareo? Teo izahay, efa teo aho, mahalala tsara hoe ohatran'ny inona izany fanajana lalampanorenana izany toy ny anakandriamaso, fianianana natao izany, mialohan'ny fandraisana andraikitra amin'ny maha filohan'ny repoblika, fa tsy mangenahena, manao be marenina fotsiny eo, hoy ity Filoha teo aloha ity. « Miantso ny vahoaka malagasy rehetra aho samy hijoro ho sahy handray ny andraikitra, fa tsy avelantsika ho ampahoriana toy izao ny vahoaka malagasy”, hoy i Marc Ravalomanana naneho fa tsy azo ekena intsony jadona.
Toky R
 

Dans la même rubrique

28-mars-2024

Mankahery ny vahoaka malagasy manoloana ny zava-misy ankehitriny

Card image cap
28-mars-2024

Nisy omaly 27 martsa takariva ny karazana fandaharana sy fanambarana nataon’ny PAN.

Card image cap
28-mars-2024

Ankoatra ny fitoriana mba hanonganana tsy ho depiote ny Filohan’ny Antenimierampirenena Rtoa Christine Razanamahasoa,

Card image cap
28-mars-2024

Nidoboka am-ponja ao Antanimora efa tapa-bolana izao Atoa JR lehiben’ny faritra Analanjirofo tamin’ny fitondrana Rajaonarimampianina,

Card image cap
28-mars-2024

Misedra olana marolafy ny firenena na ara-politika na ara-toekarena na ara-tsosialy!

Card image cap
28-mars-2024

Manamafy ireo mpikatroka ifotony ao anatin’ny Antoko TIM ao anatin’ny distrikan’Avaradrano,

Card image cap