airtel

Politique

21-nov-2022

Politique

Marc Ravalomanana “Tsy maintsy hisy fifidianana, soraty ny anarana”

Sample post image

Tahafoana tamin’ireo mpanara-dia azy tao Morondava ihany I Marc Ravalomanana ny sabotsy 19 novambra 2022 na teo aza ny sakantsankana natao tamin’ny fanamarihana ny faha-20 taonan’ny TIM natao tao Morondava.

21-nov-2022

Notanterahina tao Namahora Atsimo ny fanamarihana izany, izay fotoana nitondran’I Marc Ravalomanana hafatra politika ho an’ireo mpiara-dia sy mpanohana azy manerana ny Nosy. Tamin’io sabotsy io no nanambarany fa mihevitra hanao kongresim-paritra ny Antoko TIM. Ahafahana manadihady ny tena filan’ny vahoaka arakaraka ny faritra misy azy io, ary miainga amin’izany ny programa sy politika hoentina mampandroso ilay faritra, raha ny votoatiny. “Ny zavatra hita teny an-dalana mantsy dia tsy mitovy ny zavatra manjo ny vahoaka arakaraka ny toerana misy azy. Ao ny resaka fambolena ny olany, ao ny manana olana amin’ny tsy fandriampahalemana,...”, hoy I Marc Ravalomanana. Kongresy ahafahana mamorona programan’ny antoko miainga amin’ny laharam-pahamehan’ny faritra sy ny mponina ao aminy, ary io no heverina fa hoentin’ny TIM miatrika ny fifidianana rehefa halalinina. Mba hampahomby izany anefa, niantso ny olom-pirenana hisoratra anarana sy hanara-maso ny lisi-pifidianana I Marc Ravalomanana. “Na rahoviana na rahoviana tsy maintsy misy fifidianana eo. Tsy maintsy miezaka ianareo manara-maso ny anarana mba ho tafiditra anaty lisitry ny mpifidy. “Tsy maintsy”, ary mbola haveriko hoe: tsy maintsy, mba ahazoantsika fahefana, ahafahana mitondra vahaolana. Mila mailo hatrany amin’ny isam-pokontany satria manao izay tsy hisian’ny mpifidy izy ireo dia hanjaka ho azy eo, ka ataovy izay ahafahanareo misoratra anarana”, hoy I Marc Ravalomanana. Notsipihiny fa ireny taratasy manamarina ny fisoratana anarana ireny no ahafahana miady amin’ny mety ho fanodinkodinana ny voka-pifidianana, raha sanatria ka ho avy indray ny hoe: “azo raisina fa tsy mitombina. Miomana ary mbola manantena ny ho tafaverina eo amin’ny fitondrana I Marc Ravalomanana sy ny TIM, raha tarafina hatrany amin’ny fihetsiny.
Toky R
 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap