Resahana matetika ny «mines» satria nanomboka tamin’ny naha potika ny fizahantany sy fihariana lavanila, taona vitsivitsy lasa izay, hoy izy, dia ny «mines» no mampiditra devizy be indrindra amin’ny toekarena malagasy. 90%-ny vola na «recettes» miditra dia avy amin’ny fitrandrahana vaventy. Ny fitrandrahana volamena sy vatosoa ary vato sarobidy kosa etsy andaniny dia mamelona fianakaviana marobe saingy mijanona ho ''informels" amin’ny ankapobeny. Fa maninona ny fanjakana no tsy mahavita mamadika ny fitrandrahana "madinika" ho velontena maharitra? Ny atao hoe "formel'’ na manara-dalana dia tsy zay manana taratasy mandoa «patente» na hetra fotsiny ihany fa tokony fantarina sy apetraka koa na atao hita ny lalana na «traçabilité» amin’ny asa fihariana mikasika ny volamena na ny vato. Eto Madagasikara dia tsy misy tarehimarika mahakasika ny fivezivezin'ny vola, ny vato na ny volamena manomboka any amin’ny mpangady, mpandanja, ny «patron», ny «boss» ary ny fanjakana. Sao dia izao goragora izao kosa no mety amintsika vahoaka ka mifampihatsara ivelatsihy eto daholo fotsiny? Ny «mines» vaventy ihany asiana fitsipika sy ilàna vaniny fa ny ankoatran'izay dia atao samy mandeha samy mitady? Hiditra eny Tsimbazaza moa ny «projet de code minier» na lalana hifehezana ny harena an-kibon’ny tanyraha ny fahenoana azy ka dia manantena isika fa hisy ny adihevitra mafonja avy amin'ireo izay voakasiky ny fomba itantanana ny "ressources minières" na loharanon-karena eto amintsika. Samia salamà aby, hoy hatrany ny tenany.
J. Mirija
Kandida avy amin’ny antoko AREMA miisa 25 no tsy afaka mandray anajara amin’ny fifidianana ho
Nanahirana ny nikarakara ny taratasy filatsahan-kofidiana solombavambahoaka tamin’ity,
Tongotra mby an-dakana ny fifidianana Solombavambahoaka hotanterahina ny 29 Mey
Rava omaly Alarobia 17 Aprily ny DISTIM teo aloha na ny distrika TIM ao anatin’ny distrikan’Avaradrano.
Nivoaka ny alin’ny talata ny lisitr’ireo kandida voatazona hifaninana amin’ny fifidianana hatao ny 29 mey.
Manana kianja fa tsy azo hilalaovana, manana kaompania fa tsy misy fiaramanidina,