airtel

Politique

04-avril-2023

Politique

Mbola misaina ihany ve e ? Adilahy politika no nanapahana ny RN2

Sample post image

Raikitra ny fanaovana saka sy voalavo teo amin’ny mpitandro filaminana iraky ny Fanjakana sy ny Filoha teo aloha sy ireo mpiara-dia aminy omaly tany amin’ny RN2.

04-avril-2023

Voasakana tany Sambaina indray I Marc Ravalomanana omaly, raha handeha hihaona tamin’ireo mpiara-dia aminy tao Sambaina sy Manjakandriana. Raikitra ny fifanazavana sy ny fifamaliana teo amin’ireo depiote TIM sy ny mpitandro filaminana, ka nilaza aza iretsy voalohany, fa ny lalàmpanorenana no manome fahafahana ny olom-pirenena iray handeha amin’izay toerana tiany haleha. Tsy nanaiky lembenenana kosa ny andaniny, fa nandrara sy tsy namela ny fiara nitondra ny Filoha teo aloha Marc Ravalomanana. Vokany, voabahana teo ny arabe, tsy afa-nandeha ny fiara rehetra nandritra ny fotoana naharitra, nitohana izay tsy izy ny fiara tamin’iny Ambohimahandry iny. Fahatahorana sy hetraketraka amin’ingahy Marc Ravalomanana no nanaovana sorona ny mpampiasa ny RN2 omaly. Ity farany izay nisafidy ny handeha an-tongotra rehefa nobahanana, fa ny rehetra niara-lasibatra teo, ary maro ihany koa ny olona nisafidy handeha an-tongotra,... Tsy nisy fieritreretana mihitsy ny vahoaka mpampiasa làlana kanefa mba olona manana ny asa sy andraikitra sahaniny ireo vahoaka nampijalinareo noho ny antony ara-politika mety tsy misy hidirany ireo. Ara-politika, ny fanakanana an-dRavalomanana amin’izay alehany ve no hampitombo ny fitiavan’ny olona ny Fitondrana Rajoelina sa vao mainka ho poizina? Ny faran’ny herinandro teo, nisy ny fanambarana nataon’ny Minisitry ny atitany Atoa Tokely Justin fa voarara avokoa manomboka izao ny famoriam-bahoaka ankalamanjana sy an-dalambe na ho an’ny antoko mpanohitra na mpanohana fitondrana. Notsipihina fa malalaka amin’ny fanaovana izany kosa ny olom-panjakana. Io fanapahan-kevitra io izay niteraka fanamelohana avy amin’ny antoko samihafa, ary sokajiana ho efa tetikady ara-politika sy ara-pifidianana sy hanembatsembanana ny hafa sy hanomezana tombondahiny ny fitondrana. Lazaina fa voarara ny famoriam-bahoaka an-dalambe kanefa olona eny amin’ny làlam-pirenena no nosakanana dia lasa niteraka diabe an-dalambe, niteraka fanembatsembanana ny daholobe mpampiasa làlam-pirenena,… Tena izao ve sisa no fomba fiasa sy fiady hoenti-mitondra ny raharaham-pirenena sy ny politika? Sao dia mba efa tena diso iva lenta sy mirefarefa amin’ny tany? Mbola zavatra am-pisainana ihany ve sa dia efa toton’ondry bory e ?
Toky R
 

Dans la même rubrique

24-juil-2024

Mitady minisitra volamena tonga dia tsy kosehina intsony fa avy dia mitondra fahazavana

Card image cap
24-juil-2024

Tsy mahafaty ny mahatsikaiky! na koa hoe «Le ridicule ne tue pas!»,

Card image cap
24-juil-2024

Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?

Card image cap
24-juil-2024

Efa mitovy salan’isa amin’ireo tantsaha mpamokatra eto amintsika izany hoe :

Card image cap
24-juil-2024

Mbola vitsy ireo vehivavy misahana andraikitra ambony na miantsehatra eo amin’ny

Card image cap
23-juil-2024

Mankasitraka ny filoham-pirenena nanaraka ny zavatra noresahanay,

Card image cap