Politique

Lovantsika avy amin'ny raiamandreny rehetra tany aloha tany ity Madagasikara ity, hoy izy, ary lova ho avelantsika ho an'ny taranaka. Raiamandreny iray no niteny tamiko fa raha tsy misy fifandeferana dia tsy hisy fampandrosoana saingy nampiany hoe ny fifandeferana dia zava-poana raha fitiavan-tena sy tombotsoa manokana no manjaka. Eny, mila miafy sy milefitra ny vahoaka, fa raha fitiavan-tena sy tsy fahaiza-mitantana no setriny, tsy maintsy mijoro sy miady isika hisian'ny tsara kokoa! Tsy ho ekentsika izany mpitatana tena ahitana mpanao kolikoly sy mpanodina ny volam-bahoaka izany. Tsy ekentsika izany hoe efa tsy delestazy fa fahatapahana matetika no misy. Tsy ekentsika izany mpitondra mihevitra fa ny fampanantenana poakaty no fomba hitantanana sy handaminana ny fiarahamonina. Efa olon-dehibe tonga saina isika malagasy, hoy hatrany ny tenany!
J. Mirija