MPIFIDY TAO AMPITATAFIKA

nihazakazaka nandatsa-bato omaly Alarobia 11 Desambra. Nitombobe izy ireo hoy ny Kandidan’ny TIM Rado Ramparaoelina raha oharina tamin’ny fifidianana Solombavambahoaka teo ka tena mahafaly tokoa. Omaly tamin’ny 04 ora sy sasany hariva moa no tonga nandatsa-bato tao amin’ny EPP Ampitatafika vaovao ity Kandida iray ity. Nambarany fa nilamina ny fizotry ny fifidianana tao amin’ny faritra nisy azy tamin’ny ankapobeny ary manantena ny handresy izy. Na dia teo aza mantsy hoy izy ny fanaratsiana totoafo nataon’ny sasany nandritra ny fampielezan-kevitra izay tena nisy fotoana lavalava tokoa dia mba nanam-potoana nanazavana sy nitondrana ny tena marina teo anatrehan’ny vahoakan’Ampitatafika ihany koa Rado Ramparaoelina. Anisan’izany ny mikasika ilay tany ao Malailay izay tanim-panjakana ary voahodin’ny sasany ho amin’ny anaran’olon-tsotra. Tsy misy soniako izany hoy ity Kandida Ben’ny tanana ity noho izany tsy misy hidirako.
Pati
Legende : Rado Ramparaoelina Ben’ny tananan’Ampitatafika nandritra ny fandatsaham-bato notanterahiny omaly !