Naivo Raholdina, sy ny mpiray lisitra aminy amin’ny fifidianana solombavambahoaka ho tanterahina ny 29 may 2024 dia ny kandida Naivo Raholdina nolahalaharana na «numero 1» amin’ny filaharan’ny kandida tamin’ny fisarihana, hoy ny fampitam-baovaon’ity kandida solombavambahoaka ao amin’ny boriboritany faha 5 ity omaly. Voasarika, hoy izy, ny laharana voalohany, araka ny tenin’Andriamanitra hoe «Ho lohany fa tsy ho rambony.» ka ho voalohany hatrany ny boriboritany faha 5, hoy hatrany ny tenany. Tetsy an-kilany, nandritry ny fampiofanana momba ny fahadiovana sy fidiovana nataon’ny PDS an’Antananarivo renivohitra ny amin’ny fanentanana ny sekoly rehetra hitandro izany no nanoloran’ity filoha lefitry ny antenimieram-pirenena misahana ny faritanin’Antananarivo ity sy ny vadiny vola mitentina 6 tapitrisa Ariary nozaraina tao amin’ny EPP sy CEG ary Lisea Nanisana. 2 tapitrisa Ariary amin’izany no ody am-bavafo ho an’ireo mpianatra nanatrika ny fiofanana. 1 tapitrisa Ariary hanaovana fanadiovana faobe ny sekoly. 3 tapitrisa Ariary no natolotra ho an’ireo mpianatra mendrika voalohany nahazo naoty ambony indrindra ka samy nahazo 1 tapitrisa Ariary avy izy 3 mianadahy nahazo naoty ambony. Nampahatsiahy ny asa vitany ity depiote ity ary nilaza fa isan’izany ny fanaovana ho rarivato ny lalana mankany amin’ny lisea Nanisana izay lalan-dratsy namotaka teo aloha. Satria ny CEG Nanisana no CEG lehibe indrindra aty amin’ny ranomasimbe indianina ary mirefy 5ha mahery dia efa nisy ny fanatsarana sy fanavaozana izany izay mitentina 150 tapitrisa Ariary tamin’ny alalan’ny volan’ny CIAD ary ho tokanana afaka herinandro, hoy hatrany ny fanazavana.
J. Mirija
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny