airtel

Politique

03-nov-2023

Parlemantera anatin’ny fanoherana

Nandefa fanairana any amin’ny Vondrona Eoropeanina

Sample post image

Nihaona tamin’ny Ambasadaoro Frantsay eto ireo solontenan’ny solombavambahoaka sy loholona miara-dia

03-nov-2023

amin’ny Firaisankinan’ny kandida ny andron’ny omaly 02 novambra. Nisy ihany koa ny fanolorana taratasy hampitaina amin’ny ambaratongan-drafitra, indrindra ny Vondrona Eoropeanina.Miantefa amin’ny Vondrona Eoropeanina ny taratasy, fa ampitaina ihany koa ho an’ny Parlemantera Eoropeanina sy Frantsay, hoy ny Depiote Fetra Ralambozafimbololona. Mivoitra ny fiantsoan’izy ireo ny hijerena ny toe-draharaha eto Madagasikara izy ireo, mba hisian’ny fametrahana fifampiresahana hahatongavana amin’ny fifidianana tena izy sy madio ary eken’ny rehetra. Ny antenimierampirenena hatreto no hany rafitra manana fahamarinan-toerana ara-dalàna na « légitime » ary nandritra ny fanokafana ny fivoriana ara-potoana farany teo, dia notronin’ireo diplaomaty maro. Tsara ny manamarika fa ara-tantara sy ara-politika, dia mbola mifandroy eo hatrany ny fifamatorana eo amin’i Madagasikara sy Lafrantsa. Noho izany, ho an’ny mpanohitra, dia tokony hiteny i Lafrantsa satria ny loharanon’ny olana eto dia mponina Frantsay (Andry Rajoelina), ka tsy tokony verivery foana ny ran’ny Malagasy niady ho an’ny fahaleovantena, ary tsy tokony hisy ny fitsabahana izay mety mety hanaratsy endrika hatrany ny fifandraisana ara-diplomatika satria olona efa nanary ny maha Malagasy mba hisitrahana ny zom-pirenena Frantsay no isan’n isan’ny fototry ny olona. Manamafy ny eo anivon’ny fanoherana, fa ahiana ny fifandonana sy sakoroka ara-pifidianana, raha terana atao amboletra amin’izao endriny izao ny fifidianana. Tsikafon’ireo parlemantera ao anatin’ny fanoherana ny endrika fanitsakitsahan-dalàna maro samihafa toy ny fanapahan-kevitry ny HCC ka tokony hovaina, ny fomba fiasan’ny CENI, fitanilan’ny governemanta izay tokony hovaina, fanitsakitsahana ny zo fototra, fanohintohinana ny fiandrianam-pirenena Malagasy, ny kolikoly goavana tahaka ny raharaha Gemfields nahasaringotra ny Tale Kabinetran’ny filoha teo aloha ary izy aza mety voasaringotra,… Nampahatsiahivana ny fanambarana ofisialy momba ny zon’olombelona, satan’ny Firenena Mikambana, sata Afrikanina momba ny zon’olombelona sy zon’ny vahoaka, satan’ny Frankofonia, fifanarahana iraisam-pirenena momba ny zo politika sy zo sivily, ny fanambaran’i Paris. Eo ny fiandrianam-pirenena izay matetika ventesina sy atao fitaovana amin’ny tombotsoa politika, saingy tsy afa-miala amin’ny sehatra iraisam-pirenena isika amin’ny maha mpikambana, nanasonia fifanarahana iraisam-pirenena maro izay mipetraka ho ambony noho ny làlanantsika, ka rehefa misy ny olana tahaka izao dia mandeha foana ny fidirana an-tsehatra mivantana ataon’ny iraisam-pirenena miainga amin’ny « principe de subsidiarité » ka miakatra hatrany arakaraka ny ambaratonga rehefa tsy voavaha. Miteraka faharefoan’ny fifandraisana ara-diplaomatika, ara-toekarena, ny lafiny mahaolona,… rehefa tsy voahaja ny demokrasia, zon’olombelona,…
Toky R
 

Dans la même rubrique

28-févr-2024

Eo amin'ny laharana faha-220 amin'ny tanàn-dehibe 241 eran-tany

Card image cap
28-févr-2024

Efa tafiditra anatin’ny hazakazaky ny fifidianana depiote isika amin’izao

Card image cap
28-févr-2024

Tsy haiko hoe azon’inona ireto vahoaka malagasy ireto,

Card image cap
27-févr-2024

Mitohy sy miitatra ny endrika ady seza sy savoritaka ao anatin’ny vovonan’Antoko

Card image cap
27-févr-2024

Niaraha-nahita tamin’ny fifidianana filoham-pirenena farany teo moa

Card image cap
27-févr-2024

Non promulgation des lois» na tsy fankatoavana fampiharana lalàna no nentina

Card image cap