Politique

tetsy Bel’Air Ampandrana omaly mantsy ny mpitondra ankehitriny. Miditra ny SADC, vondrona eoropeanina, vondrona afrikanina hijery ny vahaolana hiarahantsika hanavotra ity firenena ity, hoy ny mpitondra teny, Edouard Tsarahame. Raha tsy hitady vahaolana miaraka hanaovantsika fifidianana madio mangarahara eto amin’ity firenena ity ianareo fa miheritreritra hanao tetezamita dia ho hitantsika eo ny tohiny fa tsy hanaiky mora izany izahay. Hamafisinay fa 5 taona ny fe-potoana omen’ny lalana ny filoham-pirenena. Ben’ny tanàna, 4 taona. Samy tapitra amin’ny taona 2023 izany. Misy fifidianana miisa 2 izany amin’io taona hoavy io fa gaga izahay fa na ny CENI milaza ho mahaleotena aza mbola tsy namoaka ny tetiandro momba izany. Avoahay ny tetiandro raha tena mahaleotena marina nareo! Miantso ny mpiray tanindrazana rehetra ny RMDM hifanome tanana amin’ireo raiamandrenintsika eto amin’ity firenena ity hitady vahaolana fa latsaka an-katerena ny firenena. Manao antso ho anareo namana mbola mijoro hitondra fanjakana ankehitriny izahay mba hampitsahatra ny fisamborana olona tsy mitovy hevitra. Miantso anareo mpitondra fanjakana mba hamoaka amin’ny fomba rehetra faran’izay haingana ireo rehetra nogadraina ara-politika. Ny any Toliara, Andry Biahary. Nosy be, Ninie Donia. Antananarivo, ry Berija, Malama, Rolly Mercia, Christelle… Avoahay ireo nogadrainareo fa tsy mitovy hevitra aminareo satria tsy mahasoa ny tanindrazantsika ny hiaina amin’izao andro fety izao nefa lonilony no hiarahana. Gadrao kosa ireo rehetra hita fa nanao tantely afa-drakotra ny harem-pirenena. Sambory ireny mba ho hita fa tena manao ny asanareo tokoa ianareo fa tsy izay rehetra miteny ny marina dia hanaovana antsojay. Miantso ireo raiamandreny ara-panahy izahay mba handray an-tanana haingana ny fikaonandoham-pirenena ialana amin’izao krizy izao. Aza avela hisy ra mandriaka na ady na korontana eto amin’ny firenentsika vao hifampiresaka. Miombona amin’ny HIFFIM izay nanao fanambarana fa manome 1 volana ny fitondrana ankehitriny izahay hanaovana izany latabatra boribory izany, hoy hatrany izy ireo.
J. Mirija