Politique

nahitana ny filohan'ny fiangonana FJKM, ny mpitarika eo anivon'ny fiangonana Katolika, ny Anglikanina ary ny fiangonana Loterana. Efa fanaon’izy ireo isan-taona io amin’ny maha Raiamandren’ny Firenena ny Filoha. “Mankasitraka manokana ireo mpitarika rehetra eo anivon’ireo fiangonana ny tenako noho ny finiavan’izy ireo hampanjaka ny firaisankina sy ny fihavanana”, hoy ny fanambarana nataon'ny filoham-pirenena Rajoelina Andry, raha nandray azy ireo ny andron’ny omaly. "Izao fihaonana izao dia mampahatsiahy ny maha zava-dehibe ny firaisam-pinoana sy ny tsy fisaraham-bazana eo amin’ireo antokom-pinoana misy eto amintsika. Isika rehetra miray hina no afaka hiaraka hanorina ho avy mamiratra sy feno fiadanana ho an’ity Nosy ity. Hotahiana sy ho arovan’Andriamanitra hatrany anie ity firenentsika ity", hoy ny filoha Rajoelina. Na izany na tsy izany: mampametra-panontaniana ihany ny zava-misy, raha mandinika ny raharaham-pirenena ankehitriny. Ny Raiamandreny am-panahy dia raisina ho isan’ireo olona to teny sy sokajiana ho arofanina farany amin’ny zava-manjo ny firenena sy ny vahoaka. Ny Fiangonana dia mpaminany, ary tsy misorona miteny sy mamampaneno lakolosy eo anatrehan’ny zava-manjo ny vahoaka sy ny firenena. Betsaka ny fanairana na koa tsikera mahery vaika nataon’ny Fiangonana, miampy tolo-tsaina samihafa hanintsian’ny Mpitondra ny tsy mety. Fa moa tena manan-kasina sy to teny amin’ny mpitondra ankehitriny ve ny Fiangonana? Mba tena misy ve ny finiavana hihaino sy hanitsy ny tsy mety sa sanatria lasa rano atondraka an-damosin-gisa ary sanatria toa lasa mandrefy sy manangam-pahavalo ny mpitondra fivavahana aza ny olom-panjakana sasany ?
Toky R