Tody Arnaud

firaisankinanareo 5 mirahalahy fa ianareo no lohany mitarika anay, hoy ny depiote teo aloha sady mpahay lalàna, Tody Arnaud! Ataovy mafy orina sy matotra tsara ny paikady entinareo hitondrana ny firenena, hoy izy. Mety kokoa raha atao haingana sy voadinika tsara ny fanapahan-kevitra raisina, indrindra, mikasika ny fanendrena ny tomponandraiki-panjakàna. Mila vahàna haingana ireo olana fototra ara-tsosialy tena mampijaly ny vahoaka. Raha azo atao, ravao ny CENI, HCC, antenimierandoholona, antenimieram-pirenena fa mbola maro ireo tsy maty voalavo an-kibo mody manohana sy mihatsaravelatsihy. Esory ireo olom-boafidy fantatra fa lany tamin'ny hala-bato miharihary. Aza miandry fikaonandoha vita afaka 2 taona vao handray fanapahan-kevitra hita fa maika sy mahasoa fa miandry asa mivaingana avy amintsika ny vahoaka, indrindra, ireo nitolona. Ataovy ny hanananay fitokisana anareo, ataovy mangarahara sy mazava ny fomba fiasanareo, hoy hatrany ity mpanao politika ity.
J. Mirija