airtel

Actualités

24-févr-2023

Actualités

Ady amin’ny fivoizana fankahalàna, fake news..

Sample post image

Nanatrika fivoriana tany Paris ny minisitry ny serasera

24-févr-2023

Miatrika fikaonandoha iraisampirenena ny minisitra Lalatiana Andriatongarivo Ny firenena rehetra ao anatin’ny firenena mikambana dia miara-miaiky fa lasa olana goavana amin’ny fampiasana ny tambajotran-tseraseram-pifandraisana amin’ny aterineto na “internet” ankehitriny ny fanapariahana vaovao tsy marina na “désinformation”, ny fivoizana resaka fankahalana na “discours haineux”, ny fanenjehana be fahatany sy totoafo amin’ny tambajotra na “harcèlement en ligne” ka manjary ambana ho an'ny fahalalahana miteny fa indrindra ny demokrasia. Izany indrindra no nahatonga ny firenena mikambana nikarakara nanomboka ny alarobia 22 febroary 2023, fikaonan-doha iraisampirenena handinihana ny fomba hitantanana ny aterineto sy ireo tambajotran-tserasera naterany mba hiadiana amin’ireo fanapariahana vaovao tsy marina sy famadihan-dresaka iniana atao na “désinformation et fake news”, hoy ny fampitam-baovao. Itovizan’ireo firenena rehetra mpandray anjara ny tokony handrafetana fitsipi-dalàna iraisampirenena hifehy ny fampiasana ny aterineto sy ny tambazotran-tserasera araky ny tokony ho izy mba tsy hamono ny fahalalahana miteny sy ny demokrasia. Miray feo amin'ireo firenena hafa maneran-tany i Madagasikara ary manamafy ihany koa fa iantohan'ny fifanarahana iraisampirenena sy ireo lalàna velona indrindra eto Madagasikara ny fahalalahana miteny saingy voafetran'ny fanajana ny tany tan-dalàna sy ny fiantohana ny filaminam-bahoaka. Miray feo amin'ny firenena mampiasa ny teny frantsay sy ireo firenena afrikanina ihany koa Madagasikara mitaky ny fametrahana ireo orinasa mitantana ireo tambajotran-tserasera eo anoloan’ny andraikiny sy mitaky amin'izy ireo hampiditra anatin'ny politikany ny fanomezan-danja ny kolontsain'ny firenena tsirairay fa indrindra ny fampiasana ny tenin-dreny. Ny minisitry ny serasera sy kolontsaina, Lalatiana Rakotondrazafy Andriatongarivo, no mitarika ny delegasionina malagasy mandray anjara amin'izany fikaonandoha iraisampirenena atao any amin’ny UNESCO Paris izany. Nisy koa ny tafa nifanaovany tamin’ny tale jeneralin'ny UNESCO, Audrey Azoulay, hoy hatrany ny fampitam-baovao voaray.
J. Mirija
 

Dans la même rubrique

28-févr-2024

Dila izay ny iray volana sy tapany nanendrena ny ben’ny tanànan’Antananarivo

Card image cap
28-févr-2024

Samy nahatsikaritra ny rehetra fa nisy ny fahatapahan-jiro niverimberina omaly

Card image cap
28-févr-2024

Tafidina hatrany amin’ny 200 Ar ny iray kilao amin’ny paoma any

Card image cap
28-févr-2024

Zary lasa saham-pisolokiana goavana, efa an-taona maro izao, ny tambazotran-tserasera.

Card image cap
28-févr-2024

Zaza roa be izao no fantatra fa indray maty nilatsaham-potaka omaly Talata 27 Febroary

Card image cap
27-févr-2024

Nisy fahavakisana ny karieram-bolamena tao Antanifotsy Ilempona ao amin'ny fokontany

Card image cap