ZAZA 5 VOLANA NARIANA TENY AMPASIKA

narian-dReniny teny Ampasika afak’omaly Alarobia 21 May folakandro. Vehivavy iray monina eo amin’ny manodidina no tonga teny amin’ny rond-point Ampasika nilaza tamin’ny Polisim-pirenena miasa eo, fa misy narian-dReniny teo amoron’ny renirano Ikopa. Nirotsaka an-tsehatra avy harany nijery ny zava-misy ny Polisy avy amin’ny Compagnie Urbaine d’Intervention Tsaralalàna. Nambaran’ny olona mbola nitangorona teo moa fa nahita vehivavy hafa nikasa handatsaka io zaza io tao anaty rano izy ireo. Rehefa nosakananan’ireo nanatri-maso anefa dia lasa nandositra avy hatrany ilay renim-pianakaviana. Noraisin’ny Polisim-pirenena ilay zaza ary naterina tao amin’ny sampandraharahan’ny Polisy misahana ny fiarovanana ny zaza sy ny Olona marefo ary miady amin’ny heloka mamoafady, ao Anosy (SCPMPM). Misokatra araka izany ny fanadihadiana hitadiavana ilay vehivavy, izay nikasa hanao heloka bevava tamin’io zaza io.
Pati
Legende : Ity ilay zaza tsy manan-tsiny !