ny fikarakarana ireo sambo misy olana eny an-dranomasina ohatra izay ilana manam-pahaizana avy any ivelany hatrany ary handaniana volabe. Mbola malalaka ary azo hanofanana tanora tsara ihany koa ny resaka tontolo iainana, ny ady amin’ny fiovaovan’ny toetr’andro… Izany indrindra no anton’ilay atrikasa hifanakalozan’ny RAFPRO na ny Réseau Africain des Institutions et Fonds de Formation Professionnelle sy ny FMFP (Fonds Malgache de Formation Professionnelle) etsy amin’ny Carlton Anosy. Hifarana anio alarobia izany fihaonana izany ka anisan’ny tanjon’ny roa tonta ny hahafahana mampihena ny tahan’ireo tanora Malagasy tsy an’asa eto amintsika. Notsindrian-dRabearivelo Noelison, filohan’ny filan-kevi-pitantanan’ny FMFP fa tena zava-dehibe tokoa ny fisian’ny fifanakalozana traikefa tahaka izao hahafahana manampy sy manohana ireo tanora indrindra ny fitrandrahana ireo sehatra hita fa mbola malalaka sy azo hivelomana tsara eto amintsika. Manohana akaiky izao fanampiana ny tanora ireo ny Ministeran’ny fampianarana teknika sy ny fiofanana arak’asa. Tsiahivina moa fa efa efa-taona izao no nijoroan’ny FMFM teto amintsika. Firenena Afrikana miisa 12 hatreto no efa hiasany izay miompana amin’ny fanofanana sy fanampiana ny tanora avokoa manoloana ny ady amin’ny tsy fananan’asa.
Pati
Legende : Ireo mpizaika mifanakalo traikefa etsy amin’ny Carlton Anosy
Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !
Na kandida tanaty fitondrana aza nisy tsy nahazo ilay taratasin-ketra «211 bis» ary maro,
Zazalahy kely iray vao 13 taona monja, mpianatry ny sekoly tsy miankina MDF Bealanana no hita faty
Lehilahy iray 36 taona, monina ao amin'ny Fokontany Mangabe no fantatra fa nanaparitaka
Nodimandry teo amin'ny faha-77 taonany ny Tale jeneralin'ny Apipa teo aloha Rateloson Philippe.
Tsy resaka mandeha intsony fa tena rakotra tera-tany Karana Indo-Pakistanais ao anatin’ny distrikan’Antananarivo Atsimondrano.