airtel

Actualités

25-nov-2022

Actualités

Analamalotra, Toamasina II Tsy handefitra ireo milaza ho tompon’ny tany

Sample post image

Nametraka fitarainana any amin’ny Nonce Apostolika ny tompon’ny tany ao Analamalotra, Toamasina II, hoy ny fampitam-baovao voaray omaly.

25-nov-2022

Tsy mandefitra manana ny rariny izy ireo Mahakasika ity olana ara-tany ity. Tany manan-tompo nefa anaovan’ny fiangonana katolika foto-drafitrasa amin’izao fotoana, hoy hatrany ny fanazavana. Nanao fitarainana teny amin’ny Nonciature Apostolika teny Ivandry omaly ny tompon’ny tany, nosoloin’ny mpitarika ny fitakiana, Be François, tena. Araka ny fanambarany taorian’ny fihaonana dia mametraka fitarainana amin’ny Nonce Apostolika eto Madagasikara izy ireo omaly 24 novambra 2022 satria noho ny antsojay ataon’ny Kardinaly sy “Vicaire Général” ao Toamasina manoloana ny tsindry ara-politika ka nametrahana vato fototra na “pose de première pierre” eo ambonin’ny tany izay “titré” amin’izy ireo ao Analamalotra. Manao antso avo ihany koa ho an’ireo rehetra lasibatra na niharan’ny karazana herisetra toy izao manerana ny nosy ataon’ny fiangonana katolika mba ho sahy hijoro sy hiady amin’ny tsy rariny toy izao. Tsy miteniteny foana izahay, hoy izy ireo, eto fa misy porofo. Any Fenerive-Est, ohatra, misy tanàna iray manontolo noravana. Any Toamasina misy tanin’olona “titré” miisa 3 nananganan’ny fiangonana katolika an-keriny fotodrafitrasa ary hakariny any amin’ny fitsarana mba hanery ity farany amin’ny alalan’ny politika. Soritanay etoana fa maro dia maro ny mpino katolika tsy miombon-kevitra amin’izao zava-misy any Toamasina izao. Tokony hikarohana vahaolana haingana raha azo atao izao raharaha izao mba tsy hisian’ny ady eo amin’ny samy mpino, hoy hatrany ny fampitam-baovao.
J. Mirija
 

Dans la même rubrique

28-févr-2024

Dila izay ny iray volana sy tapany nanendrena ny ben’ny tanànan’Antananarivo

Card image cap
28-févr-2024

Samy nahatsikaritra ny rehetra fa nisy ny fahatapahan-jiro niverimberina omaly

Card image cap
28-févr-2024

Tafidina hatrany amin’ny 200 Ar ny iray kilao amin’ny paoma any

Card image cap
28-févr-2024

Zary lasa saham-pisolokiana goavana, efa an-taona maro izao, ny tambazotran-tserasera.

Card image cap
28-févr-2024

Zaza roa be izao no fantatra fa indray maty nilatsaham-potaka omaly Talata 27 Febroary

Card image cap
27-févr-2024

Nisy fahavakisana ny karieram-bolamena tao Antanifotsy Ilempona ao amin'ny fokontany

Card image cap