ANKORONDRANO ANDREFANA

teto an-drenivohitra omaly Alahady 26 Oktobra. Ho an'ny tetsy amin'ny Fokontany Ankorondrano Andrefana raha araka ny fanazavan'ny Sefom-pokontany ao an-toerana dia nihoatra ny 152 tafo ny trano may tao anatin'ny ora roa monja. Tokantrano iray no niavian'ny afo izay tsy mbola fantatra ny antony ary tsy tratra tao ny tompony. Trano hazo ihany koa ny ankamaroan'ireo may. Ny fokonolona tao an-tanàna no nifandrimbona namono ny afo noho ny fahaelan'ny sampana mpamonjy voina hoy hatrany ny fanazavana azo. Fantatra moa fa levon'ny afo ihany koa ny tranom-pokonolona ao an-toerana ka tsy mbola misy ny toerana hamindrana ireo traboina. Vao handeha hifampiresaka amin'ireo tompon'andraikitra eo anivon'ny Birao nasionaly mosahana ny loza voajanahary na ny BNGRC ny sefom-pokontany hahafahana mamaha ny olana. Na izany aza tsy nisy ny aina nafoy. Lasa lavenona daholo kosa ireo entana sy vola tao an-trano noharian'ny mponina nandritra ny taona maro.
Pati
Légende : Tahaka izao no firedaredan'ny afo !