tia tanindrazana

Parution du Vendredi, 2 Juin 2023

airtel

Actualités

Antananarivo Mbola azo lazaina ho Renivohitra ve ?

Mampiteny ny moana ny fihemoran’ny tanànan’Antananarivo. Betsaka ny zavatra tsy mandeha amin’izay laoniny fa mikorontana ambony ambany,

06-mars-2023

Sample post image

ny fotodrafitrasa sy ny làlana miha potika, ny fandaminana sy fandrindrana ny tanàna tsy mandeha amin’izay laoniny, ny fako mameno tanàna, ny lakan-drano tsentsina ka vao avy kely ny orana dia maro ny faritra dibo-drano,… Mijery ny ankamaroan’ny làlana manerana ireo boriborintany enina eto an-drenivohitra, dia mametra-panontaniana mihitsy hoe: mbola azo lazaina ho Renivohitra ve Antananarivo? Misy dia potika tanteraka, ao ny efa mamotaka mandrevo tahaka ireny làlana any ivelan’ny renivohitra ireny. Iza làlana mba tsaratsara indray ifampizarana amin’ny mpivarotra amoron-dàlana. Efa lasa ny kajy politika rahateo no mibaiko, ka aleo hiafiana izay ataon’ny mpivarotra amoron-dàlana sao tsy ho azo ny vatony amin’ny fifidianana. Fa inona marina no asa sy laharam-pahamehan’ny kaominina fa toa arakaraka ny fampitadiavana ny fampidiram-bola samihafa no vao mainka mihemotra ny tanàna? Eo ny voka-dratsy ateraky ny toetra amam-pihetsiky ny mponina, fa isan’ny fositra ihany koa ny tsy fahaiza-mitantana sy mandamina. Tsy arakaraka ilay fampanantenana sy ny toromarika tany amin’ny propagandy hoe: raha tiana handroso ny tanàn-dehibe dia aleo mifidy olona iray antoko amin’ny Fanjakana foibe? Mby aiza izany izao? Izao ve ilay hoe: Antananarivo tsy maintsy mandroso.
? Toky R
 

Dans la même rubrique

Card image cap
Volamena 36kg very tao amin’ny minisitera Mpiasa 2 natao sorona, ny tambajotra tsy voakitika
02-juin-2023

Olona miisa roa no nohelolina 7 taona gadra an-tranomaizina sy asa an-terivozona miampy lamandy 10 miliara Ar avy

Card image cap
Fanefana trosabe amin’ny Tozzi Green Hampindram-bola ny Jirama ny Fanjakana
01-juin-2023

Noraisin'ny Filan-kevitry ny Minisitra omaly 31 mey 2023 ny didim-panjakana entina mankatoa ny fifanaraham-pindramam-bola eo amin'ny Minisiteran'ny sy ny Fitantanam-bola sy ny orinasa JIRAMA

Card image cap
Fanaovana taratasin-tany hosoka MD eny Antanimora i bebe sy ny ekipany
01-juin-2023

Tsy hanavahana sokajin-taona marina ny fitiavam-bola. Tsy hitsitsian’ny sasany aina sy voninahitra izany na

Card image cap
Sampana fanantenana Nampahafantatra ny voka-dratsy ateraky ny fifohana sigara
01-juin-2023

Ny aretin’ny homamiadana no voka-dratsy voalohany ateraky ny fifohana sigara eny anivon’ny fiaraha-monina na ho an’ny tanora izany na ho an’ny olon-dehibe.

Voir plus