Tsy fantatra mazava izay niandohan’ny afo fa hany nanaitra ny manodidina dia ny fanehoana hafanana be niampy fipoapoahan-javatra raha araka ny fanazavana azo teny an-toerana. Ramatoa iray lehibe voalaza fa mipetra-drery, 89 taona no fantatra fa namoy ny ainy tao an-toerana . Levon'ny afo avokoa moa ny efitrano tao ambony rihana rehetra raha tsy dia naninona kosa ny tao ambany rihina. Efa tonga naka ny razana moa ny fianakaviany ary nitondra an-dRatompokovavy natao "autopsie" . Eny amin’ny hopitaly HJRA Ampefiloha no fantatra fa nanaovan’izy ireo izany raha araka ny fanazavan'ny Sefom-pokontany ao an-toerana. Tsy mbola fantatra moa izay tena antony nahatonga ny afo. Na izany aza efa miroso amin’ny fanadihadiana ny mpitandro ny filaminana izay tonga maro teny an-toerana tamin’io andron’ny omaly io ihany. Amin’ny ankapobeny moa dia mety sy tsara raha mba misy olona miaraka aminy hatrany ireny zokiolona ireny. Tsy voafetra izany na ao an-tokantrano ao na eny an-dalana. Rehefa diso miakatra mantsy ny taona dia mety tsy ho tadidin’izy ireny intsony ny zavatra nataony na noraisin’ny tanany nefa mety hahafaty tampoka. Nangonin’i Pati Legende : Nandritra izay firehetana
Mivoatra ny raharaha fifanolananan’i Andry Andriatongarivo izay migadra eny amin’ny Fonjaben’Imeritsiatosika sy Rtoa Lalatiana Rakotondrazafy Minisitry ny fampianarana teknika teo aloha,
Faritra maro no tapaka tanteraka tao anatin’ny adin’ny telo ka hatramin’ny adin’ny dimy teo ny delestazy,
Manao tohivakana indray Manao tohivakana indray tato ho ato ny jiro sy rano tapa-dava eny Itaosy,
Lehilahy iray manodidina 40 taona antsoina hoe : Rakotonandrasana Jean Clément
Ela ny ela fa tratra tao amin'ny kaominina ambanivohitr’ Ambohijanahary Fokontany Ambatolampy
Ahiana hisy rivo-doza hiforona hanakaiky an’i Madagasikara ato ho ato.