tia tanindrazana

Parution du Vendredi, 25 Novembre 2022

airtel

Actualités

Cité des assureurs Itaosy Misy andian-jatovo migafy sy mandrahona mpianatra

Misy andian-jatovo fantatra fa migafy sy mandrahona mpianatra eny amin’iny faritry ny Cite des assureurs eny Itaosy iny.

24-nov-2022

Sample post image

Amin’ny harivariva no tena hihaonan’izy ireo sy hanaovany izany asa ratsy izany ka izay mpianatra mandalo rehetra indrindra fa ny lehilahy mitovy aminy dia hilany vaniny sy kasihan’izy ireo tanana avokoa. Raha araka ny fitarainan’ny mpianatra maromaro efa lasibatra dia lazain’izy ireo fa maka ny sipany na ny olon-tiany izy ireo ka avy hatrany dia ratrainy sy hampirohorohoany mihitsy. Eo amin’ny faritra misy ny kianja fanaovana basket sy volley ball no tena ahitana azy ireo hoy hatrany ny loharanom-baovao azo. Vokany, miaina anaty tebiteby ireo mpianatra mandalo eny amin’iny faritra iny indrindra raha vantany vao hariva ny andro. Marihina moa fa tsy vao izao no nanao ny nataony tahaka izao ireo andian-jatovo eny amin’ny Cite des assureurs eny Itaosy. Saika isan’andro mantsy dia handrenesana adiady sy gidragidra hatrany eny an-toerana ka mahavita mifamono amin’ny antsy sy ny angady mihitsy ireo samy zatovolahy. Antso avo araka izany no hatao amin’ny mpitandro ny filaminana mba hijery akaiky ity tranga hiainan’ny mponina eny amin’ny Cité des assureurs eny Itaosy ity.
Pati
Legende : Malaza ho maditr’olona Cité des Assureurs Itaosy
 

Dans la même rubrique

Card image cap
Analamalotra, Toamasina II Tsy handefitra ireo milaza ho tompon’ny tany
25-nov-2022

Nametraka fitarainana any amin’ny Nonce Apostolika ny tompon’ny tany ao Analamalotra, Toamasina II, hoy ny fampitam-baovao voaray omaly.

Card image cap
Hivoaka anio ny tombana momba ny Jirama Fifanilihana no betsaka, ny delestazy tsy resy
25-nov-2022

Telo andro na efatra andro lasa no namaly hafatra farany ny Tale Jeneraly mpisolo toerana eo anivon’ny Jirama Atoa Rivo Radanielina, ary eto Antananarivo raha ny nambaran’ny Minisitry ny angovo sy ny akoran’afo omaly.

Card image cap
Fanenjehana an-dry Ketakandriana Nanaovan’ny Iraisam-pirenena tambabe ny fanjakana
25-nov-2022

Nitohy omaly teny amin’ny Polisy ekonomika ny fakana am-bavany an-dRtoa Ketakandriana Rafitoson Sekretra mpanatanteraky ny TI-IM (Transparency International-Initiative Madagascar)

Card image cap
Tetezana Amboay Ambositra 12 lahy tsy ampy taona nanolana vehivavy iray
25-nov-2022

Trangam-piarahamonina isan’ny nanamarika ity herinandro ity ny fanolanana nataona tovolahikely miisa 12 ny vehivavy iray voalaza fa efa ampy taona.

Card image cap
Hafari malagasy “Hisintaka amina toerana tsy misy mpanelingelina aloha izahay”
25-nov-2022

Taorian’ny resaka fanamboarana ny kianjan’Anosizato dia miroso hatrany amin’ny asa fitarihana ny fikambanana Hafari malagasy, hoy ny filohany, Jean Nirina Rafanomezantsoa.

Card image cap
Sehatra tsy miankina Entanina hamokatra izay angovo ilainy
25-nov-2022

Notanterahina tetsy amin’ny Carlton omaly ny andiany faha-6 amin’ny Fiaraha-midiniky ny Rafi-panjakana sy ny Sehatra tsy miankina, nokarakarain’ny EDBM.

Voir plus